ಹೈದರಾಬಾದ್: ತಂತ್ರಜ್ಞಾನದಿಂದ ಏನೆಲ್ಲಾ ಮಾಡಬಹುದು ಅನ್ನೋದನ್ನು ಊಹಿಸೋದು ಕೂಡ ಅಸಾಧ್ಯ. ಯಾವುದೋ ಮೂಲೆಯಲ್ಲಿ ಕೂತುಕೊಂಡು ಏನು ಬೇಕಾದರೂ ಮಾಡಬಹುಹು. ಅಂತಹದ್ದೇ ಘಟನೆಯೊಂದು ಹೈದರಾಬಾದ್ ನಲ್ಲಿ ನಡೆದಿದೆ.
ಹೈದರಾಬಾದ್ ನ ಸೈಬರಾಬಾದ್ ಪೊಲೀಸ್ ಆಯುಕ್ತರ ಕಚೇರಿ ವ್ಯಾಪ್ತಿಯ ಕುಕಟಪಲ್ಲಿ ಹೌಸಿಂಗ್ ಬೋರ್ಡ್ ಕಾಲೋನಿಯಲ್ಲಿ ಈ ಘಟನೆ ನಡೆದಿದೆ. ಅಮೇರಿಕಾದಲ್ಲಿ ವಾಸವಿದ್ದ ವ್ಯಾಪ್ತಿಯ ಕುಕಟಪಲ್ಲಿ ಹೌಸಿಂಗ್ ಬೋರ್ಡ್ ಕಾಲೋನಿಯ ನಿವಾಸಿಯೊಬ್ಬ ತನ್ನ ಮನೆಗೆ ಮಾನಿಟರ್ ಸೆನ್ಸಾರ್ ಸಾಧನ ಒಳಗೊಂಡ ಸಿಸಿಟಿವಿ ಕ್ಯಾಮೆರಾವನ್ನು ಅಳವಡಿಸಿದ್ದ.
ಅದರಂತೆ ಯಾರಾದರೂ ಮನೆಯ ಆಸುಪಾಸಿನಲ್ಲಿ ಬಂದರೆ ಮಾಲೀಕನ ಮೊಬೈಲ್ಗೆ ಎಚ್ಚರಿಕೆ ಕರೆ ಹೋಗುತ್ತಿತ್ತು. ಅದೇ ರೀತಿಯ ಮಾರ್ಚ್ 9ರಂದು ಬೆಳಗ್ಗೆ ಮೂರು ಗಂಟೆಗೆ ಎಚ್ಚರಿಕೆ ಕರೆ ಬಂದಾಗ ಮೊಬೈಲ್ ತೆಗೆದು ನೋಡಿದ ಮಾಲೀಕನಿಗೆ ಶಾಕ್ ಕಾದಿತ್ತು. ಖದೀಮನೊಬ್ಬ ಮನೆಯ ಸುತ್ತಮುತ್ತ ಓಡಾಡುವುದನ್ನು ನೋಡಿದ ಮಾಲೀಕ ತಕ್ಷಣ ನೆರೆಮನೆಯವರಿಗೆ ಮಾಹಿತಿ ನೀಡಿದ್ದಾನೆ. ತಕ್ಷಣ ಮನೆಯತ್ತ ಓಡಿಬಂದ ನೆರೆಯವರು ಮನೆಯ ಬಾಗಿಲು ತೆರೆದಿರುವುದನ್ನು ನೋಡಿ ಹೊರಗಿನಿಂದ ಲಾಕ್ ಮಾಡಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ತಕ್ಷಣ ಸ್ಥಳಕ್ಕೆ ಬಂದ ಪೊಲೀಸರು ಕಳ್ಳನನ್ನು ಬಂಧಿಸಿದ್ದಾರೆ.