ಲಖನೌ: ಮದುವೆಯಾದ ಕೆಲವೇ ದಿನಗಳಲ್ಲಿ ಪತ್ನಿಯೊಬ್ಬಳು ತನ್ನ ಪತಿಯ ವಿರುದ್ಧ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾಳೆ. ಅದಕ್ಕೆ ಕಾರಣ ಹನಿಮೂನ್ ದಿನ ಪತಿ ಹೇಳಿದ ಆ ಭಯಾನಕ ಸತ್ಯ. ಇಂತಹದ್ದೊಂದು ಘಟನೆ ನಡೆದಿರೋದು ಉತ್ತರ ಪ್ರದೇಶದ ಆಗ್ರಾದಲ್ಲಿ.
ಯೆಸ್… ನವದಂಪತಿಗೆ ಹೋಟೆಲ್ ಒಂದರಲ್ಲಿ ಹನಿಮೂನ್ಗೆ ವ್ಯವಸ್ಥೆ ಮಾಡಲಾಗಿತ್ತು. ಆದರೆ ಅದೇ ದಿನ ಪತಿ ತಾನೋರ್ವ ಸಲಿಂಗಕಾಮಿ ಮತ್ತು ತನಗೆ ಗಂಭೀರವಾದ ಕಾಯಿಲೆ ಇರುವುದಾಗಿ ಪತ್ನಿ ಬಳಿ ಹೇಳಿದ್ದಾನೆ. ಅಲ್ಲದೇ ಕೊಲೆ ಮಾಡಲು ಯತ್ನಿಸಿದ್ದಾನೆ ಎಂದು ಮಹಿಳೆ ದೂರು ನೀಡಿದ್ದಾಳೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
ಅಂದ್ಹಾಗೆ ಆ ಸಂತ್ರಸ್ತ ಮಹಿಳೆಯು ಉತ್ತರ ಪ್ರದೇಶದ ಕೊಟ್ವಾಲಿ ಏರಿಯಾದವಳು. ಆಲಿಘಡ ರಸ್ತೆಯಲ್ಲಿ ವಾಸವಿರುವ ವ್ಯಕ್ತಿಯೊಂದಿಗೆ 2019ರ ಮೇ ತಿಂಗಳಲ್ಲಿ ಮದುವೆಯಾಗಿತ್ತು. ತನ್ನ ಗಂಡ ಓರ್ವ ಡಾಕ್ಟರ್. ಮದುವೆಗಾಗಿ 30 ಲಕ್ಷ ಖರ್ಚು ಮಾಡಲಾಗಿತ್ತು. ಆದರೂ ಅತ್ತೆಗೆ ಇದು ಸಮಾಧಾನ ತಂದಿರಲಿಲ್ಲ. ಮದುವೆಯ ನಂತರವೂ ಹಣಕ್ಕಾಗಿ ಪೀಡಿಸಿದರು ಎಂದು ದೂರಿದ್ದಾಳೆ. ಅಲ್ಲದೇ ನನ್ನನ್ನು ಅನೇಕ ಬಾರಿ ಸಾಯಿಸೋದಕ್ಕೂ ಯತ್ನಿಸಿದ್ದಾರೆ ಎಂದು ಮಹಿಳೆ ದೂರಿದ್ದಾಳೆ.
