ಮುಂಬಯಿ: ಕೋವಿಡ್ 19 ಸಂಕಷ್ಟ ಕಾಲದಲ್ಲೂ ನಮ್ಮ ದೇಶದಲ್ಲಿರುವ ಬ್ಯಾಂಕ್ ಗಳು ಸಕಲ ಸುರಕ್ಷತಾ ಕ್ರಮಗಳನ್ನು ಅನುಸರಿಸುತ್ತಾ ತಮ್ಮ ಗ್ರಾಹಕರಿಗೆ ಸೇವೆಯನ್ನು ನೀಡುತ್ತಿವೆ. ಸಂಪೂರ್ಣ ಲಾಕ್ ಡೌನ್ ಸಂದರ್ಭದಲ್ಲೂ ದೇಶದಲ್ಲಿನ ಬ್ಯಾಂಕಿಂಗ್ ವ್ಯವಸ್ಥೆ ಪೂರ್ಣ ಸ್ಥಗಿತಗೊಂಡಿರಲಿಲ್ಲ.
ಈ ಬಾರಿ ಆಗಸ್ಟ್ ತಿಂಗಳಿನಲ್ಲಿ ಬಹುತೇಕ ಹಬ್ಬಗಳು ಮತ್ತು ರಾಷ್ಟ್ರೀಯ ರಜಾದಿನಗಳು ಬಂದಿರುವುದರಿಂದ ಈ ತಿಂಗಳಿನಲ್ಲಿ ಯಾವೆಲ್ಲಾ ದಿನ ಬ್ಯಾಂಕ್ ಗಳು ಕಾರ್ಯಾಚರಿಸುವುದಿಲ್ಲ ಎಂಬ ಮಾಹಿತಿ ಇಲ್ಲಿದೆ.
ಆಗಸ್ಟ್ ತಿಂಗಳಿನಲ್ಲಿ 14 ದಿನ ಬ್ಯಾಂಕ್ ಗಳಿಗೆ ರಜೆ ಇರುತ್ತವೆ (ರವಿವಾರ ಮತ್ತು ಎರಡನೇ ಶನಿವಾರವೂ ಸೇರಿದಂತೆ) . ಅಂದರೆ ತಿಂಗಳಿನ ಸರಿಸುಮಾರು ಅರ್ಧದಷ್ಟು ದಿನ ದೇಶದಲ್ಲಿ ಬ್ಯಾಂಕ್ ವ್ಯವಹಾರಗಳಿರುವುದಿಲ್ಲ.
ಈ ಕುರಿತಾದ ಪಟ್ಟಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಪ್ರಕಟಿಸಿದ್ದು ಇವುಗಳ ವಿವರ ಈ ಕೆಳಗಿನಂತಿದೆ.
ಆಗಸ್ಟ್ 01 – ಬಕ್ರಿದ್ (ಈದ್-ಉಲ್-ಫಿತ್ರ್)
ಆಗಸ್ಟ್ 02 – ರವಿವಾರ
ಆಗಸ್ಟ್ 03 – ರಕ್ಷಾ ಬಂಧನ
ಆಗಸ್ಟ್ 08 – ಎರಡನೇ ಶನಿವಾರ
ಆಗಸ್ಟ್ 09 – ರವಿವಾರ
ಆಗಸ್ಟ್ 11 – ಶ್ರೀ ಕೃಷ್ಣ ಜನ್ಮಾಷ್ಟಮಿ
ಆಗಸ್ಟ್ 13 – ಪೇಟ್ರಿಯಾಟ್ಸ್ ಡೇ
ಆಗಸ್ಟ್ 15 – ಸ್ವಾತಂತ್ರ್ಯ ದಿನ
ಆಗಸ್ಟ್ 16 – ರವಿವಾರ
ಆಗಸ್ಟ್ 20 – ಶ್ರೀಮಂತ ಶಂಕರದೇವ ತಿಥಿ
ಆಗಸ್ಟ್ 21 – ತೀಜ್ (ಹರಿತಾಲಿಕ)
ಆಗಸ್ಟ್ 22 – ಗಣೇಶ ಚತುರ್ಥಿ/ಸಂವತ್ಸರಿ ವಿನಾಯಕ ಚತುರ್ಥಿ
ಆಗಸ್ಟ್ 29 – ಕರ್ಮ ಪೂಜಾ/ಅಶೂರಾ
ಆಗಸ್ಟ್ 31 – ಇಂದ್ರಜಾತ್ರಾ/ತಿರು ಓಣಂ