ಬೆಂಗಳೂರು: ಮಾಸ್ಕ್ ಹಾಕದೇ ಡೋಂಟ್ ಕೇರ್ ಅನ್ನುವಂತೆ ನಗರದಲ್ಲಿ ಸಂಚರಿಸೋ ಮಂದಿಗೆ ಬೆಂಗಳೂರಿನಲ್ಲಿ ಮಾರ್ಷ್ ಗಲು ದಂಡ ಹಾಕುತ್ತಿದ್ದಾರೆ. ಅದರಂತೆ ಇಂದು ಬೆಳ್ಳಂಬೆಳಗ್ಗೆ ಸಿರಸಿ ವೃತ್ತದಲ್ಲಿ ಮಾಸ್ಕ್ ಹಾಕದೇ ತಿರುಗಾಡುತ್ತಿರುವರಿಗೆ ದಂಡ ಹಾಕಿದ್ದಾರೆ. ಈ ವೇಳೆ ಲಿಪ್ಸ್ಟಿಕ್ ಹಾಳಾಗುತ್ತದೆ ಎಂದು ಮಾಸ್ಕ್ ಹಾಕದೇ ಬಂದ ಮದುವೆ ಹೆಣ್ಣಿಗೂ ಮಾರ್ಷಲ್ಸ್ ದಂಡ ಹಾಕಿದ್ದಾರೆ.
ಮೇಕಪ್ಗಿಂತ ಮಾಸ್ಕ್ ಮುಖ್ಯ ಈಗ ದಂಡ ಕಟ್ಟಿ. ಸದ್ಯ ಜೀವ ಮುಖ್ಯ ಮೊದಲು ಮಾಸ್ಕ್ ಧರಿಸಿ ಓಡಾಡಿ, ಮುಂದಿನ ದಿನಗಳಲ್ಲಿ ಮೇಕಪ್ ಮಾಡೋದು ಇದ್ದೇ ಇದೆ ಎಂದು ಬುದ್ಧಿಮಾತು ಹೇಳಿದ್ದಾರೆ. ಕೊನೆಗೆ ಮದುಮಗಳು ಫೈನ್ ಕಟ್ಟಿ ಹೊರಟಿದ್ದಾರೆ. ಮಾಸ್ಕ್ ಹಾಕದೇ ಸಂಚರಿಸುತ್ತಿದ್ದ ಪೊಲೀಸರಿಗೂ ಮಾರ್ಷಲ್ಸ್ ದಂಡ ಹಾಕಿದ್ದಾರೆ.
ಮಾಸ್ಕ್ ಧರಿಸುವ ಕುರಿತು ಬಿಬಿಎಂಪಿ ಆಯುಕ್ತ ಮಂಜುನಾಥ ಪ್ರಸಾದ್ ಖಡಕ್ ಸೂಚನೆ ನೀಡಿದ್ದು, ತಿನ್ನುವಾಗ, ಕುಡಿಯುವಾಗ, ಸ್ವಿಮ್ಮಿಂಗ್ ಪೂಲ್ನಲ್ಲಿದ್ದಾಗ ಮಾತ್ರ ಮಾಸ್ಕ್‌ಗೆ ವಿನಾಯತಿ ನೀಡಲಾಗಿದೆ. ನಾಲ್ಕು ಜನ ನಿಂತು ಮಾತನಾಡುವಾಗ ಮಾಸ್ಕ್ ಧರಿಸುವುದು ಕಡ್ಡಾಯ. ಏಕಾಂಗಿಯಾಗಿ ವಾಹನಗಳಲ್ಲಿ ಸಂಚಾರ ಮಾಡಿದ್ರು ಕೂಡ ಮಾಸ್ಕ್ ಧರಿಸಬೇಕು. ಅಲ್ಲದೇ ಮಾಸ್ಕ್ ಧರಿಸುವ ಬಗ್ಗೆ ಜಾಗೃತಿ ಮೂಡಿಸಲು ವಾರ್ಡ್ವಾರು ಮತ್ತು ವಲಯವಾರು ಸಮಿತಿ ರಚಿಸಲು ಆದೇಶ ಹೊಡಿಸಿದ್ದಾರೆ.
