ನವದೆಹಲಿ: ಕ್ಯಾಡ್ಬರಿ ಚಾಕೊಲೇಟ್‌ಗಳಲ್ಲಿ ಗೋಮಾಂಸವಿದೆ ಎಂದು ಹೇಳುವ ಸಂದೇಶವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದ್ದು , ದನದ ಮಾಂಸದಲ್ಲಿರುವ ಜೆಲಾಟಿನ್ ನ ಒಂದು ಘಟಕಾಂಶ ಹೊಂದಿದೆ ಎಂದು ಉಲ್ಲೇಖ ಮಾಡಲಾಗಿತ್ತು.
ಈ ಸ್ಕ್ರೀನ್ಶಾಟ್ ಅನ್ನು ಶೇರ್ ಮಾಡಿಕೊಂಡು ಕಳೆದ ವೀಕೆಂಡ್ನಿಂದ ಟ್ವಿಟ್ಟರ್ನಲ್ಲಿ #BoycottCadburyProducts ಎಂಬ ಅಭಿಯಾನವೂ ನಡೆದಿತ್ತು. ಇದರಿಂದ ಹಿಂದೂಗಳ ಭಾವನೆಗೆ ಧಕ್ಕೆಯಾಗುತ್ತಿದೆ ಹಾಗೇ ನಮಗೆ ಅರಿವಿಲ್ಲದಂತೆ ದನದ ಮಾಂಸವನ್ನು ನಮಗೆ ತಿನ್ನಿಸಲಾಗುತ್ತಿದೆ. ಇದರಿಂದ ಕ್ಯಾಡ್ಬರಿ ಚಾಕೋಲೇಟ್ಗಳನ್ನು ಭಾರತದಲ್ಲಿ ಬ್ಯಾನ್ ಮಾಡಬೇಕೆಂಬ ಅಭಿಯಾನಗಳು ನಡೆದಿದ್ದವು.
ಈ ವಿವಾದದ ಬಗ್ಗೆ ಟ್ವೀಟ್ ಮೂಲಕ ಸ್ಪಷ್ಟೀಕರಣ ನೀಡಿರುವ ಕ್ಯಾಡ್ಬರಿ ಕಂಪನಿ, ಭಾರತದಲ್ಲಿ ಮಾರಾಟ ಮಾಡಲಾಗುತ್ತಿರುವ ಕ್ಯಾಡ್ಬರಿ ಉತ್ಪನ್ನಗಳೆಲ್ಲವೂ ಶೇ. 100ರಷ್ಟು ಸಸ್ಯಾಹಾರಿಯಾಗಿವೆ. ವೆಬ್ಸೈಟ್ನಲ್ಲಿ ತಿಳಿಸಲಾಗಿರುವ ಉತ್ಪನ್ನಗಳನ್ನು ಭಾರತದ ಮಾರುಕಟ್ಟೆಗೆ ನಾವು ಬಿಟ್ಟಿಲ್ಲ. ಜಿಲೆಟಿನ್ ಅಂಶವನ್ನು ಹೊಂದಿರುವ ಕ್ಯಾಡ್ಬರಿ ಚಾಕೋಲೇಟ್ಗಳನ್ನು ಭಾರತದಲ್ಲಿ ಮಾರಾಟ ಮಾಡುತ್ತಿಲ್ಲ. ಕ್ಯಾಡ್ಬರಿ ಚಾಕೋಲೇಟ್ ಹಿಂಭಾಗದಲ್ಲಿ ಹಸಿರು ಬಣ್ಣದ ಚುಕ್ಕೆ ಇರುವುದನ್ನು ನೀವು ಗಮನಿಸಿರಬಹುದು. ಈ ಬಣ್ಣದ ಮಾರ್ಕ್ ಇರುವ ಉತ್ಪನ್ನಗಳೆಲ್ಲವೂ ಸಂಪೂರ್ಣ ಸಸ್ಯಾಹಾರಿಯಾಗಿರುತ್ತವೆ ಎಂದು ಖಚಿತಪಡಿಸಿದೆ.
ಹಾಗೇ, ಯಾವುದೇ ಒಂದು ಮಾಧ್ಯಮದಲ್ಲಿ ಬಂದ ಸುದ್ದಿಯನ್ನು ಅಥವಾ ಜನರಿಗೆ ಸಿಕ್ಕಿರುವ ಮಾಹಿತಿಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡುವ ಮುನ್ನ ಅದರ ಸತ್ಯಾಸತ್ಯತೆಯನ್ನು ಖಚಿತಪಡಿಸಿಕೊಳ್ಳಿ. ಈ ರೀತಿಯ ನೆಗೆಟಿವ್ ಪೋಸ್ಟ್ಗಳು ನಮ್ಮ ಬ್ರ್ಯಾಂಡ್ ಮೇಲೆ ಬಹಳ ಪರಿಣಾಮ ಬೀರುತ್ತವೆ. ಹಲವಾರು ವರ್ಷಗಳಿಂದ ಕ್ಯಾಡ್ಬರಿ ಬ್ರ್ಯಾಂಡ್ ಅನ್ನು ಎಲ್ಲ ಕಡೆ ತಲುಪಿಸಲು ನಾವು ಹಾಕಿರುವ ಶ್ರಮ ವ್ಯರ್ಥವಾಗುತ್ತದೆ. ಹಾಗೇ, ಈ ರೀತಿಯ ಮೆಸೇಜ್ ನೋಡಿದ ಗ್ರಾಹಕರು ನಮ್ಮ ಉತ್ಪನ್ನಗಳನ್ನು ಖರೀದಿಸಲು ಹಿಂದೇಟು ಹಾಕುತ್ತಾರೆ. ಇದರಿಂದ ನಾವು ನಮ್ಮ ಗ್ರಾಹಕರ ನಂಬಿಕೆಯನ್ನು ಕಳೆದುಕೊಳ್ಳುತ್ತೇವೆ ಎಂದು ಕ್ಯಾಡ್ಬರಿ ಟ್ವೀಟ್ ಮೂಲಕ ಮನವಿ ಮಾಡಿದೆ
