ಧೋನಿ ಮಗಳಿಗೆ ಅತ್ಯಾಚಾರ ಬೆದರಿಕೆ ಬೆನ್ನಲ್ಲೇ, ತಮಿಳು ನಟ ವಿಜಯ್​ ಸೇತುಪತಿ ಮಗಳಿಗೆ ಅತ್ಯಾಚಾರ ಬೆದರಿಕೆ!

ನವದೆಹಲಿ: ಕೆಲವು ದಿನಗಳ ಹಿಂದೆ ಎಂ.ಎಸ್​. ಧೋನಿ ಮಗಳಿಗೆ ಅತ್ಯಾಚಾರ ಬೆದರಿಕೆ ಹಾಕಿದ್ದ ಪ್ರಕರಣ ಮರೆಯುವ ಮುನ್ನ ಇದೀಗ ಅಂತಹುದೇ ಬೆದರಿಕೆಯನ್ನು ತಮಿಳು ನಟ ವಿಜಯ್​ ಸೇತುಪತಿಗೂ ಹಾಕಲಾಗಿದ್ದು ಮುತ್ತಯ್ಯ ಮುರಳೀಧರನ್​ ಬಯೋಪಿಕ್​ ‘800’ ಹೆಸರಿನ ಚಿತ್ರದಿಂದ ಸಾಮಾಜಿಕ ಒತ್ತಡದಿಂದಾಗಿ ವಿಜಯ್​ ಸೇತುಪತಿ ಹೊರ ನಡೆದಿದ್ದಾರೆ.

ಅಲ್ಲದೆ, ಟ್ವೀಟ್​ ಮೂಲಕವೂ ಇದನ್ನು ಖಚಿತಪಡಿಸಿದ್ದರು.ಇದರ ಬೆನ್ನಲ್ಲೇ ಸೇತುಪತಿ ಅವರ ಟ್ರೋಲ್​ ಸಂದರ್ಭ ಅವರ ಮಗಳನ್ನು ಅತ್ಯಾಚಾರ ಮಾಡುವ ಬೆದರಿಕೆ ಸಂದೇಶವೊಂದು ಹರಿದು ಬಂದಿತ್ತು. ಇದರ ವಿರುದ್ಧ ಸ್ವತಃ ನೆಟ್ಟಿಗರೇ ಕಿಡಿಕಾರಿದ್ದಾರೆ. ಸಿನಿಮಾ ಮಂದಿಯು ಸಹ ಅಸಮಾಧಾನ ಹೊರಹಾಕಿದ್ದು ಶೀಘ್ರ ಕ್ರಮ ಕೈಗೊಳ್ಳಲು ಒತ್ತಾಯಿಸಲಾಗಿದೆ.