ವಿಟ್ಲ: ಹೈನುಗಾರ ಸದಸ್ಯರಿಗೆ 1 ರೂ. ಹೆಚ್ಚುವರಿ ಮೊತ್ತ

ವಿಟ್ಲ: ವಿಟ್ಲ ಹಾಲು ಉತ್ಪಾದಕರ ಸಹಕಾರಿ ಸಂಘಕ್ಕೆ ಹಾಲು ಹಾಕುವ ಹೈನುಗಾರ ಸದಸ್ಯರಿಗೆ ಎ.11ರಿಂದ ಮೇ 10ರ ವರೆಗೆ ಪ್ರತೀ ಲೀಟರಿಗೆ 1 ರೂ. ಹೆಚ್ಚು ನೀಡಲು ತೀರ್ಮಾನಿಸಿದೆ. ದೇಶದಲ್ಲಿ ಕೊರೊನಾ ವೈರಸ್ ಹರಡುವ ಭೀತಿಯಿಂದ ಲಾಕ್‍ಡೌನ್ ಪರಿಣಾಮ ಕಂಗಾಲಾದ ಹೈನುಗಾರ ಸದಸ್ಯರಿಗೆ ಸಂಘದ ವತಿಯಿಂದ ಒಂದು ತಿಂಗಳ ಕಾಲ ಹೆಚ್ಚುವರಿ ಮೊತ್ತ ನೀಡಲು ಆಡಳಿತ ಮಂಡಳಿ ತೀರ್ಮಾನಿಸಿದೆ ಎಂದು ಅಧ್ಯಕ್ಷ ಸೇರಾಜೆ ಸುಬ್ರಹ್ಮಣ್ಯ ಭಟ್ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.