- Advertisement -
- Advertisement -
ಅಹಮದಾಬಾದ್: ಮದುವೆ ಸ್ವರ್ಗದಲ್ಲೇ ನಿಶ್ಚಯವಾಗಿರುತ್ತೆ ಅನ್ನೋ ಮಾತಿದೆ. ಈ ಜೋಡಿಯನ್ನು ನೋಡಿದ್ರೆ ನಿಜಕ್ಕೂ ಈ ಮಾತು ಸತ್ಯ ಅಂತಾ ಅನ್ನಿಸದೇ ಇರೋದಿಲ್ಲ.
ಹೌದು… ಗುಜರಾತಿನ ಜುನಾಗಢ ನಗರದಲ್ಲಿ ಒಂದು ವಿಶೇಷವಾದ ಮದುವೆ ನಡೆದಿದೆ. ಇದಕ್ಕೆ ಕಾರಣ 29 ವರ್ಷದ ಮದುಮಗಳು ಶಾಂತಾ 5.5 ಅಡಿ ಎತ್ತರವಿದ್ದರೆ 41 ವಯಸ್ಸಿನ ರಮೇಶ್ ಮೂರು ಅಡಿ ಇದ್ದಾರೆ. ಇವರಿಬ್ಬರ ಮದುವೆ ನಡೆದಿದೆ.
ಶಾಂತಾ ಹುಟ್ಟು ಅಂಧೆಯಾಗಿದ್ದು ಸೇವಾ ಯುವಕ ಮಂಡಳಿಯ ಯುವತಿಯರ ಹಾಸ್ಟೆಲ್ನಲ್ಲಿದ್ದರು. ಇವರು ಬಿ.ಎಡ್ ಪದವೀಧರೆ. ಅವರ ಅಂಧತ್ವ ಕಾರಣದಿಂದ ಮದುವೆಯಾಗಿರಲಿಲ್ಲ. ಶಿಕ್ಷಕರಾಗಿರುವ ರಮೇಶ್ ಅವರಿಗೆ ವಯಸ್ಸು 40 ದಾಟಿದ್ದರೂ ಅವರ ಎತ್ತರದಿಂದಾಗಿ ಮದುವೆಯಾಗಲಿಲ್ಲ.
ಆದರೆ ಇವರಿಬ್ಬರಿಗೂ ಕಂಕಣ ಯೋಗ ಈಗ ಕಂಕಣ ಕೂಡಿ ಬಂದಿದೆ. ಇದೀಗ ಇವರು ದಂಪತಿಯಾಗಿದ್ದಾರೆ. ಮದುವೆಗೆ ಆಗಮಿಸಿದ ಅತಿಥಿಗಳು ನವಜೋಡಿಗೆ ಶುಭ ಹಾರೈಸಿದ್ದಾರೆ. ಇವರ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
- Advertisement -