ಬೆಂಗಳೂರು : ಈ ಹಿಂದೆ ರಾಧಿಕಾ ಹಾಗೂ ಯಶ್ ಮಗಳಿಗೆ ಏನ್ ಹೆಸರಿಡ್ತಾರೆ ಅನ್ನೋ ವಿಚಾರ ಭಾರೀ ಸದ್ದು ಮಾಡಿತ್ತು. ಕೊನೆಗೆ ಯಶ್ ಹೆಸರು ಹಾಗೂ ರಾಧಿಕಾ ಹೆಸರಿನ ಕೊನೆಯ ಅಕ್ಷರ ಸೇರಿಸಿ ಯಶ್ ದಂಪತಿ ಮಗಳಿ ಐರಾ ಎಂದು ನಾಮಕರಣ ಮಾಡಿದ್ರು. ಇದೀಗ ಮಗನಿಗೆ ಯಾವ ಹೆಸರು ಇಡುತ್ತಾರೆ ಅನ್ನುವ ಕುತೂಹಲ ಅಭಿಮಾನಿಗಳನ್ನು ಕಾಡ್ತಿದೆ.
ಈಗಾಗಲೇ ಯಶ್-ರಾಧಿಕಾ ಮಗನಿಗೆ ಏನು ಹೆಸರು ಇಡುತ್ತಾರೆ ಎನ್ನುವ ಬಗ್ಗೆ ಸಾಕಷ್ಟು ಚರ್ಚೆ ಆಗ್ತಿದೆ. ಐರಾ ಅಕ್ಷರದ ಮೊದಲ ಹೆಸರು ಆ ಹಾಗೂ ಯಶ್ ಹೆಸರನ್ನು ಸೇರಿಸಿ `ಆಯುಷ್’ ಎಂದು ನಾಮಕರಣ ಮಾಡಲಾಗುತ್ತದೆ ಎನ್ನುವ ಸುದ್ದಿ ಸಹ ಹರಿದಾಡ್ತಿದೆ. ಸದ್ಯ, ರಾಧಿಕಾ ಪಂಡಿತ್ ಈ ಎಲ್ಲ ಸುದ್ದಿಗಳಿಗೆ ತೆರೆ ಎಳೆದಿದ್ದು, ಮಗನಿಗೆ ಆಯುಷ್ ಎಂದು ನಾಮಕರಣ ಮಾಡುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ಅಷ್ಟೇ ಅಲ್ಲ, ಶೀಘ್ರವೇ ಮಗನಿಗೆ ನೂತನ ಹೆಸರನ್ನ ಹುಡುಕಿ ನಾಮಕರಣ ಮಾಡುವುದಾಗಿ ತಿಳಿಸಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿರುವ ರಾಧಿಕಾ ಪಂಡಿತ್, ಎಲ್ಲರೂ ಕೇಳುತ್ತಿರುವ ಪ್ರಶ್ನೆಗೆ ಶೀಘ್ರವೇ ಉತ್ತರ ಸಿಗಲಿದೆ. ಜೂನಿಯರ್ಗೆ ಶೀಘ್ರವೇ ಹೊಸ ಹೆಸರನ್ನಿಡುತ್ತಿದ್ದೇವೆ ಎಂದು ರಾಧಿಕಾ ಪಂಡಿತ್ ಹೇಳಿದ್ದಾರೆ.
