ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾದ ಆಲಿಯಾ ಭಟ್; ಪಾಕಿಸ್ಥಾನದ ಸ್ವಿಂಗ್ ರೆಸ್ಟೋರೆಂಟ್​ಗೆ ನಟಿ ಆಲಿಯಾ ಭಟ್ ಜಾಹಿರಾತು

ಖ್ಯಾತ ಬಾಲಿವುಡ್ ನಟಿ ಅಲಿಯಾ ಭಟ್ ಜಾಹಿರಾತು ವಿಚಾರವೊಂದಕ್ಕೆ ನೆಟ್ಟಿಗರ ಕಣ್ಣಿಗೆ ಗುರಿಯಾಗಿದ್ದಾರೆ. ಪಾಕಿಸ್ಥಾನದ ಕರಾಚಿಯಲ್ಲಿರುವ ಸ್ವಿಂಗ್ ಹೆಸರಿನ ರೆಸ್ಟೋರೆಂಟ್ ನಟಿ ಅಲಿಯಾ ಭಟ್ ಸಿನೆಮಾವನ್ನು ತನ್ನ ಜಾಹೀರಾತಿಗೆ ಬಳಸಿಕೊಂಡದ್ದೇ ಇದಕ್ಕೆ ಕಾರಣವಾಗಿದೆ.

ನಟಿ ಅಲಿಯಾ ಭಟ್ ಅಭಿನಯಿಸಿರುವ “ಗಂಗೂಬಾಯಿ – ಕಥಿಯಾವಾಡಿ’ ಸಿನೆಮಾದ ದೃಶ್ಯವೊಂದನ್ನು ಮೆನ್ಸ್ ಮಂಡೇ ಸ್ಪೆಷಲ್ ಆಫರ್‌ನ ಜಾಹೀರಾತಿಗೆ ಬಳಸಿಕೊಳ್ಳಲಾಗಿದ್ದು, ಅದರಲ್ಲಿ ವೇಶ್ಯ ಪಾತ್ರದಲ್ಲಿರುವ ನಟಿ, ಪುರುಷರನ್ನು ಕರೆಯುವ ದೃಶ್ಯವಿದೆ. ಭಾವನಾತ್ಮಕ ದೃಶ್ಯವನ್ನು ತನ್ನ ಲಾಭಕ್ಕೆ ಬಳಸಿಕೊಂಡ ರೆಸ್ಟೋರೆಂಟ್ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಜನರು ಅಕ್ರೋಶ ವ್ಯಕ್ತಪಡಿಸಿದ್ದಾರೆ.