ಚಿಕ್ಕಮಗಳೂರು: ಬದುಕಿರುವಾಗ ಅಸ್ವಸ್ಥರ ಸೇವೆ ಮಾಡಿ ಇದೀಗ ಐದು ಜನರ ಬದುಕಿಗೆ ಬೆಳಕು ನೀಡಿದ್ದಾರೆ ಇವರು, ವೃತ್ತಿಯಲ್ಲಿ ನರ್ಸ್, ಹಠಾತ್ ಕುಸಿದು ಮತ್ತು ಕರ್ತವ್ಯದಲ್ಲಿ ಇದ್ದಾಗಲೇ ನಿಧನರಾದರು.
ವೃದ್ಧಾಶ್ರಮದಲ್ಲಿ ಕರ್ತವ್ಯದ ವೇಳೆ ಕುಸಿದು ಬಿದ್ದು ಮೃತಪಟ್ಟ ನರ್ಸ್ ನ ಪಾಲಕರು ಆಕೆಯ ಅಂಗಾಂಗಗಳನ್ನು ಐದು ಜನರಿಗೆ ದಾನ ಮಾಡಿದ್ದಾರೆ.
ಚಿಕ್ಕಮಗಳೂರು ಜಿಲ್ಲೆಯ ಹೊಸಕೊಪ್ಪದ ಎನ್ ಆರ್ ಪುರ ತಾಲೂಕಿನ ನಿವಾಸಿ ಟಿ ಕೆ ಗಾನವಿ (22) ಶಿವಮೊಗ್ಗದ ನರ್ಸಿಂಗ್ ಹೋಂನಲ್ಲಿ ಕೆಲಸ ಮಾಡುತ್ತಿದ್ದರು. ಫೆಬ್ರವರಿ 8 ರಂದು ಕರ್ತವ್ಯದಲ್ಲಿದ್ದಾಗ ಮುಂಜಾನೆ 3.30 ರ ಸುಮಾರಿಗೆ ಕುಸಿದು ಬಿದ್ದಿದ್ದಾಳೆ. ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿ ವೆಂಟಿಲೇಟರ್ ಹಾಕಲಾಗಿತ್ತು. ಫೆಬ್ರವರಿ 12 ರಂದು ವೈದ್ಯರು ಆಕೆಯ ಬ್ರೈನ್ ಡೆಡ್ ಎಂದು ಘೋಷಿಸಿದರು. ಆಕೆಯ ಅಂಗಾಂಗಗಳನ್ನು ಐದು ಜನರಿಗೆ ದಾನ ಮಾಡಲು ಆಕೆಯ ಕುಟುಂಬ ಸದಸ್ಯರು ತಕ್ಷಣ ಒಪ್ಪಿಕೊಂಡರು.
ಈ ಕುರಿತು ಟ್ವೀಟ್ ಮಾಡಿರುವ ಆರೋಗ್ಯ ಸಚಿವ ಡಾ.ಸುಧಾಕರ್, “ನರ್ಸ್ ಟಿ ಕೆ ಗಾನವಿ ಅವರು ಬದುಕಿದ್ದಾಗ ಮನುಕುಲಕ್ಕೆ ಸೇವೆ ಸಲ್ಲಿಸಿದ್ದು, ಐದು ಜನರಿಗೆ ತಮ್ಮ ಅಂಗಾಂಗಗಳನ್ನು ದಾನ ಮಾಡುವ ಮೂಲಕ ಅವರ ಸಾವನ್ನು ಸಹ ತ್ಯಾಗ ಮಾಡಿದ್ದಾರೆ. ಅವರು ಅಂಗಾಂಗ ದಾನಕ್ಕಾಗಿ ಲಕ್ಷಾಂತರ ಜನರನ್ನು ಪ್ರೇರೇಪಿಸಿದ್ದಾರೆ ಎಂದಿದ್ದಾರೆ.
