ನವದೆಹಲಿ: COVID-19 ಗೆ ಯಾವುದೇ ರೋಗಲಕ್ಷಣಗಳು ಪತ್ತೆಯಾಗದ ಸೌಮ್ಯ ಅಥವಾ ಪೂರ್ವ-ರೋಗಲಕ್ಷಣದ ಕೊರೊನಾವೈರಸ್ ಸೋಂಕಿನ ಪ್ರಕರಣಗಳ ಪಟ್ಟಿಯಲ್ಲಿ ಲಕ್ಷಣರಹಿತ ಸಕಾರಾತ್ಮಕ ರೋಗಿಗಳನ್ನು ಸೇರಿಸಲು ಕೇಂದ್ರ ಆರೋಗ್ಯ ಸಚಿವಾಲಯ ಗುರುವಾರ ಹೋಂ ಐಸೋಲೆಟ್‌ ಮಾರ್ಗಸೂಚಿಗಳನ್ನು ಪರಿಷ್ಕರಿಸಿದೆ.ಆದಾಗ್ಯೂ, ಎಚ್‌ಐವಿ, ಕಸಿ ಚಿಕಿತ್ಸೆಗೆ ಒಳಪಟ್ಟವರು ಕ್ಯಾನ್ಸರ್ ಚಿಕಿತ್ಸೆಯನ್ನು ತೆಗೆದುಕೊಳ್ಳುವವರು ಮನೆ ಪ್ರತ್ಯೇಕತೆಗೆ (ಹೋಮ್ ಐಸೋಲೇಷನ್) ಅರ್ಹರಲ್ಲ ಎಂದು ಪರಿಷ್ಕೃತ ಮಾರ್ಗಸೂಚಿಗಳು ತಿಳಿಸಿವೆ.
ರೋಗಲಕ್ಷಣ ರಹಿತ ಹಾಗೂ ಕಡಿಮೆ ರೋಗಲಕ್ಷಣ ಹೊಂದಿದ ಕೊರೊನಾ ವೈರಸ್ ರೋಗಿಗಳು ಮನೆಯಲ್ಲಿ ಚಿಕಿತ್ಸೆ ಪಡೆಯಬಹುದು ಎಂದು ಕೇಂದ್ರ ಸರ್ಕಾರ ಸೂಚಿಸಿದ್ದು, ಈ ಸಂಬಂಧ ರಾಜ್ಯ ಸರ್ಕಾರ ನೂತನ ಮಾರ್ಗಸೂಚಿ ಪ್ರಕಟಿಸಿದೆ.
ರಾಜ್ಯ ಸರ್ಕಾರ ನೂತನ ಮಾರ್ಗಸೂಚಿ ಪ್ರಕಾರ, ತೀವ್ರ ಸೋಂಕಿನಿಂದ ಬಳುತ್ತಿರುವ ಹಾಗೂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಅನಿವಾರ್ಯವೆನಿಸುವಂತಹ ವ್ಯಕ್ತಿಗಳಿಗೆ ಮಾತ್ರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತದೆ.
*ರೋಗಲಕ್ಷಣ ರಹಿತ ಹಾಗೂ ಕಡಿಮೆ ರೋಗ ಲಕ್ಷಣ ಹೊಂದಿರುವವರು ಹೋಮ್ ಐಸೋಲೇಶನ್‌ಗೆ ಒಳಪಡುತ್ತಾರೆ.
*ಇವರು ಮನೆಯಲ್ಲಿ ಉಳಿದುಕೊಂಡು ಸರ್ಕಾರದ ನಿಯಮಗಳನ್ನು ಪಾಲಿಸಬೇಕು.
*ಜಿಲ್ಲಾ ಆರೋಗ್ಯ ಪ್ರಾಧಿಕಾರ ಅಥವಾ ಬಿಬಿಎಂಪಿಯ ಆರೋಗ್ಯ ತಂಡವು ಮನೆಗೆ ಭೇಟಿ ನೀಡಿ ಅದರ ಮೌಲ್ಯಮಾಪನ ಮಾಡಬೇಕು. ಮನೆಯ ಪ್ರತ್ಯೇಕತೆಗೆ ಸೂಕ್ತತೆ ಮತ್ತು ರೋಗಿಯ ಚಿಕಿತ್ಸೆಯ ಸರದಿ ನಿರ್ಧಾರ ಮಾಡಬೇಕು.
*ರೋಗಿಯ ದೈನಂದಿನ ವಿವರಗಳಿಗಾಗಿ ಟೆಲಿ ಸಮಾಲೋಚನೆ ಲಿಂಕ್ ಬಳಸಲಾಗುವುದು.
*ರೋಗಿಯು ತಮ್ಮ ಪ್ರತಿದಿನದ ಆರೋಗ್ಯ ಸ್ಥಿತಿಯ ಬಗ್ಗೆ ವೈದ್ಯ / ಆರೋಗ್ಯ ಅಧಿಕಾರಿಗಳಿಗೆ ವರದಿ ನೀಡಬೇಕು.
*ಮನೆಯ ಪ್ರತ್ಯೇಕತೆಯ ಸಮಯದಲ್ಲಿ ರೋಗಿಯು ನಾಡಿ ಆಕ್ಸಿಮೀಟರ್, ಡಿಜಿಟಲ್ ಥರ್ಮಾಮೀಟರ್ ಮತ್ತು ಪಿಪಿಇ ಕಿಟ್‌ (ಮಾಸ್ಕ್, ಗ್ಲೌಸ್) ಬಳಸಬೇಕು.
*ಹೋಮ್ ಐಸೋಲೇಷನ್‌ನಿಂದ ರೋಗಿಯನ್ನು ಬಿಡುಗಡೆಗೊಳಿಸುವ ವೇಳೆ ಡಿಸ್ಚಾರ್ಜ್ ಪ್ರೋಟೋಕಾಲ್ ಅನುಸರಿಸಬೇಕು.
*17 ದಿನಗಳ ಮನೆಯಲ್ಲಿ ಐಸೋಲೇಷನ್ ಕಡ್ಡಾಯ
*ರೋಗಿಯ ಕುಟುಂಬ, ನೆರೆಹೊರೆಯ ಬಗ್ಗೆಯೂ ಆರೋಗ್ಯ ಅಧಿಕಾರಿಗಳು ಕಾಳಜಿ ಹೊಂದಿರಬೇಕು
*50 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಿಗೆ ಹೋಮ್ ಐಸೋಲೇಷನ್ ಮಾಡಬಹುದು.
*ಕೊರೊನಾ ಜೊತೆ ಇತರೆ ಕಾಯಿಲೆಯಿಂದ ಬಳಲುತ್ತಿರುವವರು ಇದಕ್ಕೆ ಒಳಪಡಲ್ಲ.
