ಉಡುಪಿ: ಕುಡಿದ ಕಾರು ಚಾಲಕ ನಿಯಂತ್ರಣ ತಪ್ಪಿ ಎರಡು ವಾಹನಗಳಿಗೆ ಡಿಕ್ಕಿ, ಸಾರ್ವಜನಿಕರಿಂದ ಥಳಿತ !

ಇಂದು ಇಲ್ಲಿನ ಶ್ರೀಕೃಷ್ಣ ಮಠದ ಬಳಿ ಪಾನಮತ್ತ ಚಾಲಕನೊಬ್ಬ ನಿಯಂತ್ರಣ ತಪ್ಪಿ ತನ್ನ ಕಾರನ್ನು ಎರಡು ವಾಹನಗಳಿಗೆ ಡಿಕ್ಕಿ ಹೊಡೆದು ತಾಯಿ ಮತ್ತು ಮಗುವಿಗೆ ಡಿಕ್ಕಿ ಹೊಡೆದಿದ್ದಾನೆ.

ಆದರೆ, ತಾಯಿ ಮತ್ತು ಮಗು ಪವಾಡ ಸದೃಶ ರೀತಿಯಲ್ಲಿ ಪಾರಾಗಿದ್ದು, ಎರಡು ವಾಹನಗಳಿಗೆ ಹಾನಿಯಾಗಿದೆ. ಪಾನಮತ್ತ ಚಾಲಕನನ್ನು ಬೆಂಗಳೂರಿನ ಯಲಹಂಕ ನಿವಾಸಿ ರಾಘವ್ (25) ಎಂದು ಗುರುತಿಸಲಾಗಿದೆ.

ಅಪಘಾತವನ್ನು ಕಂಡು ಆಕ್ರೋಶಗೊಂಡ ದಾರಿಹೋಕರು ಆರೋಪಿ ರಾಘವ್‌ನನ್ನು ಹಿಡಿದು ಹಲ್ಲೆ ನಡೆಸಿದ್ದಾರೆ.

ನಂತರ ಅಲ್ಲಿಗೆ ಆಗಮಿಸಿದ ಹೊಯ್ಸಳ ಬೀಟ್ ಪೊಲೀಸರು ಆತನನ್ನು ಬಂಧಿಸಿ ನಗರ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಕುಡಿದು ವಾಹನ ಚಾಲನೆ ಪ್ರಕರಣ ದಾಖಲಿಸಿದ್ದಾರೆ.