ನ್ಯೂಯಾರ್ಕ್ : ಕೋವಿಡ್ -19 ಗೆ ಧನಾತ್ಮಕತೆಯನ್ನು ಪರೀಕ್ಷಿಸಿದ ದೇಶದ ಮೊದಲ ನಾಯಿ ನ್ಯೂಯಾರ್ಕ್ ರಾಜ್ಯದ ಜರ್ಮನ್ ಷೆಫರ್ಡ್ ಸಾವನ್ನಪ್ಪಿದೆ. ರಾಬರ್ಟ್ ಹಾಗೂ ಅಲಿಸನ್ ಹಲವಾರು ವಾರಗಳಿಂದ ಕೊರೋನಾವೈರಸ್ ನಿಂದ ಬಳಲುತ್ತಿದ್ದರು. ಈ ನಡುವೆ ಏಪ್ರಿಲ್ ಮಧ್ಯದಲ್ಲಿ ತಮ್ಮ 7 ವರ್ಷದ ಷೆಫರ್ಡ್ ಗೆ ಸಹ ಉಸಿರಾಟದ ತೊಂದರೆಗಳು ಕಾಣಿಸಿದ್ದವು ಎಂದು ಸ್ಟೇಟನ್ ದ್ವೀಪದ ನಿವಾಸಿಗಳು ನ್ಯಾಷನಲ್ ಜಿಯಾಗ್ರಫಿಕ್‌ಗೆ ತಿಳಿಸಿದರು. ಪಶುವೈದ್ಯರು ಮೇ ತಿಂಗಳಲ್ಲಿ ನಾಯಿಯನ್ನು ಪರೀಕ್ಷಿಸಿದಾಗ ನಾಯಿಯಲ್ಲಿ ಕೊರೋನಾವೈರಸ್ ಸೋಂಕು ಪತ್ತೆಯಾಗಿದೆ.
ಕೋವಿಡ್ ಗೆ ಧನಾತ್ಮಕವಾಗಿ ಪರೀಕ್ಷಿಸಿದ ದೇಶದ ಮೊದಲ ನಾಯಿ ನ್ಯೂಯಾರ್ಕ್ ರಾಜ್ಯದ ಜರ್ಮನ್ ಷಫರ್ಡ್ ಎಂದು ಯುಎಸ್ ಕೃಷಿ ಇಲಾಖೆ ಜೂನ್‌ನಲ್ಲಿ ವರದಿ ಮಾಡಿತು, ಆದರೆ ಆ ನಾಯಿಯ ಮಾಲೀಕರ ಗುರುತು ಬಹಿರಂಗಪಡಿಸಿರಲಿಲ್ಲ. ಏಪ್ರಿಲ್ ನಲ್ಲಿ ಉಸಿರಾಟದ ತೊಂದರೆ ಮತ್ತು ದಟ್ಟವಾದ ಮೂಗಿನ ಸಮಸ್ಯೆ ನಂತರ ನಾಯಿಯ ಆರೋಗ್ಯ ಕುಸಿದಿದೆ. ರಕ್ತ ಹೆಪ್ಪುಗಟ್ಟುವಿಕೆ, ವಾಂತಿಯಂತಹಾ ಸಮಸ್ಯೆ ಕಾಣಿಸಿದ ಬಳಿಕ ಜುಲೈ 11 ರಂದು ನಾಯಿಯನ್ನು ದಯಾಮರಣಕ್ಕೆ ಒಳಪಡಿಸಲಾಗಿತ್ತು ಎಂದು ಮಾಲೀಕರು ನ್ಯಾಷನಲ್ ಜಿಯಾಗ್ರಫಿಕ್ಸ್ ಗೆ ಹೇಳಿದ್ದಾರೆ.
ನಾಯಿಯ ಸಾವಿನಲ್ಲಿ ಕರೋನವೈರಸ್ ಪಾತ್ರವಹಿಸುತ್ತದೆಯೇ ಎಂಬುದು ತಿಳಿದಿಲ್ಲ. ರಕ್ತ ಪರೀಕ್ಷೆನಾಯಿಯು ರೋಗನಿರೋಧಕ ವ್ಯವಸ್ಥೆಯ ಕ್ಯಾನ್ಸರ್ ಲಿಂಫೋಮಾವನ್ನು ಹೊಂದಿರಬಹುದು ಎಂದು ಪಶುವೈದ್ಯರು ಕುಟುಂಬಕ್ಕೆ ತಿಳಿಸಿದ್ದಾರೆ.
ನ್ಯೂಯಾರ್ಕ್ ನಗರದ ಆರೋಗ್ಯ ಇಲಾಖೆಯ ವಕ್ತಾರರು, ನಾಯಿಯ ದೇಹವನ್ನು ನೆಕ್ರೋಪ್ಸಿಗಾಗಿ ತೆಗೆದುಕೊಳ್ಳಲು ವ್ಯವಸ್ಥೆ ಮಾಡಲಾಗಿದೆ ಆದರೆ ಪಶುವೈದ್ಯರೊಂದಿಗೆ ವಿವರ ಹಂಚಿಕೊಂಡಿದ್ದ ವೇಳೆ ನಾಯಿಯ ದೇಹವನ್ನೀಗಾಗಲೇ ದಹನ ಮಾಡಲಾಗಿರುವುದು ಪತ್ತೆಯಾಗಿದೆ.
ಅಮೆರಿಕಾದಲ್ಲಿ ಪ್ರಾಣಿಗಳಲ್ಲಿ ಕೊರೋನಾವೈರಸ್ ದೃಢಪಟ್ಟ ಪ್ರಕರಣಗಳ ಪೈಕಿ 12 ನಾಯಿಗಳು, 10 ಬೆಕ್ಕುಗಳು, ಹುಲಿ ಮತ್ತು ಸಿಂಹ ಸೇರಿವೆ. ಕೊರೊಣಾ ಹರಡುವಲ್ಲಿ ಪ್ರಾಣಿಗಳು ಮಹತ್ವದ ಪಾತ್ರ ವಹಿಸುತ್ತವೆ ಎಂಬುದಕ್ಕೆ ಯಾವುದೇ ಪುರಾವೆಗಳಿಲ್ಲ ಎಂದು ಸಂಶೋಧನೆ ಹೇಳಿದೆ ಆದರೆ ಕೆಲವು ಸಂದರ್ಭಗಳಲ್ಲಿ ವೈರಸ್ ಜನರಿಂದ ಪ್ರಾಣಿಗಳಿಗೆ ಹರಡಬಹುದು ಎಂದು ಸಹ ಹೇಳಲಾಗುತ್ತದೆ.
