ಹರಿಯಾಣ: ಇಲ್ಲಿನ ಉದ್ಯಮಿಯೊಬ್ಬರು ತಮ್ಮ ವಿಮೆಯ ಹಣಕ್ಕಾಗಿ ತಾನೇ ಸಾವನ್ನಪ್ಪಿದ್ದಾಗಿ ಎಲ್ಲರನ್ನೂ ನಂಬಿಸಿರುವ ಘಟನೆ ಬೆಳಕಿಗೆ ಬಂದಿದೆಛತ್ತೀಸ್ಘಡದ 35 ವರ್ಷದ ಉದ್ಯಮಿ ರಾಮ್ ಮೆಹರ್ 2 ಕೋಟಿ ರೂ. ವಿಮೆ ಮಾಡಿಸಿದ್ದ. ವಿಮೆಯ ಹಣಕ್ಕಾಗಿ ತನ್ನದೇ ಕಾರಿಗೆ ಬೆಂಕಿ ಹಚ್ಚಿ, ತಾನು ಸಾವನ್ನಪ್ಪಿದ್ದಾಗಿ ನಂಬಿಸಿದ್ದರು.
ಆದರೆ, ರಾಮ್ ಮೆಹರ್ ಕುಟುಂಬಸ್ಥರು ನೀಡಿದ ಮಾಹಿತಿಯಿಂದ ಅನುಮಾನಕ್ಕೊಳಗಾದ ಪೊಲೀಸರು ತನಿಖೆ ನಡೆಸಿದರು. ಆ ವೇಳೆ ಸತ್ಯಾಂಶ ಹೊರಬಿದ್ದಿದೆ. ತಾನು ಸಾವನ್ನಪ್ಪಿದರೆ ಮನೆಯವರಿಗೆ 2 ಕೋಟಿ ರೂ. ವಿಮೆಯ ಹಣ ಸಿಗುತ್ತದೆ ಎಂದು ಸಾವಿನ ನಾಟಕವಾಡಿದ್ದರು. ಬರ್ವಾಲ್ದಲ್ಲಿ ಗ್ಲಾಸ್ ಡಿಸ್ಪೋಸಲ್ ಉದ್ಯಮ ನಡೆಸುತ್ತಿದ್ದ ರಾಮ್ ಮೆಹರ್ ಭಾರೀ ನಷ್ಟ ಅನುಭವಿಸಿದ್ದರು.
ತನಿಖೆ ವೇಳೆ ರಾಮ್ ಮೆಹರ್ ಸಾವನ್ನಪ್ಪಿಲ್ಲ. ಅವರು ಛತ್ತೀಸ್ಘಡದ ಬಿಲಾಸ್ಪುರಕ್ಕೆ ಪ್ರಯಾಣ ಬೆಳೆಸಿದ್ದಾರೆ ಎಂಬುದು ಗೊತ್ತಾಗಿತ್ತು. ಇದೀಗ ಉದ್ಯಮಿಯನ್ನು ಹಿಸ್ಸಾರ್ಗೆ ಕರೆತಂದು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ರಾಮ್ ಮೆಹರ್ ಅವರ ಕಾರಿನಲ್ಲಿದ್ದ ಶವ ಯಾರದ್ದು ಎಂಬುದರ ಬಗ್ಗೆ ಇನ್ನೂ ಮಾಹಿತಿ ಸಿಕ್ಕಿಲ್ಲ. ಆ ಬಗ್ಗೆ ಪೊಲೀಸರು ರಾಮ್ ಮೆಹರ್ ಅವರ ವಿಚಾರಣೆ ನಡೆಸುತ್ತಿದ್ದು, ಸತ್ಯಾಂಶ ಹೊರಬೀಳಬೇಕಿದೆ.
