ಕರೊನಾ ವೈರಸ್ನಿಂದ ಜನರನ್ನು ರಕ್ಷಣೆ ಮಾಡುವ ಸಲುವಾಗಿ ಇಡೀ ದೇಶವನ್ನು ಲಾಕ್ಡೌನ್ ಮಾಡಲಾಗಿದೆ. ಇಲ್ಲಿಯವರೆಗೆ ಭಾರತ ದೇಶ ಇಂತಹ ಸ್ವಯಂ ದಿಗ್ಬಂಧನ ಹಾಕಿಕೊಂಡು ಕೂರಿರುವುದನ್ನು ಯಾರು ಕಂಡಿಲ್ಲ. ಭಾರತದ ಪಾಲಿಗೆ ಈ ದಿನಗಳು ಇತಿಹಾಸದ ಪುಟಗಳಲ್ಲಿ ಇರುವಂತಹದು. ಆದರೆ ಉತ್ತರ ಪ್ರದೇಶದ ಡಿಯೋರಿಯಾ ಜಿಲ್ಲೆಯ ಖುಖುಂಡು ಗ್ರಾಮದ ಒಂದು ಮನೆಯಲ್ಲಿ ಲಾಕ್ಡೌನ್ ಎಂಬ ಹೆಸರು ರೇಷನ್ ಕಾರ್ಡ್, ಆಧಾರ್ ಕಾರ್ಡ್, ವೋಟರ್ ಕಾರ್ಡ್ ನಲ್ಲೂ ಪ್ರಿಂಟ್ ಆಗಲಿದೆ.
ಹೌದು, ಖುಖುಂಡು ಗ್ರಾಮದಲ್ಲಿ ಇಂದು ಜನಿಸಿದ ಗಂಡುಮಗುವಿಗೆ ಅದರ ತಂದೆ ತಾಯಿ ‘ಲಾಕ್ಡೌನ್’ ಎಂದೇ ಹೆಸರಿಟ್ಟಿದ್ದಾರೆ. ಲಾಕ್ಡೌನ್ ಎಂದು ಹೆಸರಿಟ್ಟ ಬಗ್ಗೆ ಮಾತನಾಡಿರುವ ಮಗುವಿನ ತಂದೆ ಪವನ್, ಕರೊನಾ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ತೆಗೆದುಕೊಂಡ ಲಾಕ್ಡೌನ್ ನಿರ್ಧಾರಕ್ಕೆ ನಮ್ಮ ಸಂಪೂರ್ಣ ಬೆಂಬಲವಿದೆ. ದೇಶದ ಹಿತಾಸಕ್ತಿಗಾಗಿ ಇದು ಒಳ್ಳೆಯ ಕ್ರಮ. ಹಾಗಾಗಿ ನಮ್ಮ ಮಗುವಿಗೂ ಲಾಕ್ಡೌನ್ ಎಂದೇ ಹೆಸರಿಟ್ಟಿದ್ದೇವೆ. ಈ ಮೂಲಕ ನಮ್ಮ ಬೆಂಬಲ ಸೂಚಿಸಿದ್ದೇವೆ ಎಂದಿದ್ದಾರೆ.
ಹಾಗೆಯೆ ಕಳೆದ ವಾರ ಗೋರಖ್ಪುರದಲ್ಲಿ ಹುಟ್ಟಿದ ಹೆಣ್ಣುಮಗುವಿಗೆ ಕರೊನಾ ಎಂದು ಹೆಸರಿಡಲಾಗಿದೆ.
