ಒಂದೇ ದಿನ ತಾಯಿ ಮಗ ಹೃದಯಾಘಾತದಿಂದ ಸಾವು

- Advertisement -

ಮೈಸೂರು: ತಾಯಿ-ಮಗ ಇಬ್ಬರೂ ಕೂಡ ಒಂದೇ‌ ದಿನ  ಹೃದಯಾಘಾತದಿಂದ ಮೃತಪಟ್ಟ ಘಟನೆ,ಮೈಸೂರು ಜಿಲ್ಲೆ ಎಚ್​.ಡಿ.ಕೋಟೆಯ ಸಿದ್ದಪ್ಪಾಜಿ ರಸ್ತೆ ಬಳಿ ನಡೆದಿದೆ.

ಸಣ್ಣಮಂಚಮ್ಮ(58),ಇವರ ಪುತ್ರ ಕೃಷ್ಣ(45)ಮೃತ ದುರ್ದೈವಿಗಳು.

ಎಚ್​.ಡಿ.ಕೋಟೆಯ ಸೇಂಟ್​ ಮೇರಿಸ್​ ಆಸ್ಪತ್ರೆ ಬಳಿ ಕೃಷ್ಣ ಅವರು ಟೀ ಅಂಗಡಿ ನಡೆಸುತ್ತಿದ್ದರು.ಕೃಷ್ಣ ಅವರ ತಾಯಿ ಸಣ್ಣಮಂಚಮ್ಮ ಭಾನುವಾರ ಪಾರ್ಶ್ವವಾಯುಗೆ ತುತ್ತಾಗಿದ್ದರು.ಸಂಬಂಧಿಕರು ನಗರದ ಸಾರ್ವಜನಿಕ ಆಸ್ಪತ್ರೆಗೆ ಅವರನ್ನು ದಾಖಲಿಸಿ ಈ ವಿಚಾರವನ್ನು ಮಗನಿಗೆ ತಿಳಿಸಿದ್ದಾರೆ.

ತಾಯಿಗೆ ಅನಾರೋಗ್ಯದ ವಿಚಾರ ಕೇಳಿದ ಕೃಷ್ಣ ಹೃದಯಾಘಾತಕ್ಕೆ ಒಳಗಾಗಿ ಸ್ಥಳದಲ್ಲೇ ಕುಸಿದು ಬಿದ್ದಿದ್ದರು. ತಕ್ಷಣ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತ್ತಾದರೂ ಕೃಷ್ಣ ಬದುಕಲಿಲ್ಲ.ಮಗ ಮೃತಪಟ್ಟ ವಿಷಯವನ್ನು ತಾಯಿಗೆ ತಿಳಿಸಿದಾಗ ಅವರೂ ಹೃದಯಾಘಾತಕ್ಕೆ ಒಳಗಾಗಿ ಮೃತಪಟ್ಟಿದ್ದಾರೆ.