ಪೊಲೀಸ್ ವಾಹನದಲ್ಲಿ ವಿಶ್ರಾಂತಿ ಪಡೆದದ್ದೇ ತಪ್ಪಾಯ್ತಾ?ನಟಿ ಸಂಜನಾಗೆ ಈಗ ಮತ್ತೊಂದು ಸಂಕಷ್ಟ

ಬೆಂಗಳೂರು : ಡ್ರಗ್ಸ್ ಪ್ರಕರಣದಲ್ಲಿ ಜೈಲು ಸೇರಿರುವ ನಟಿ ಸಂಜನಾಗೆ ಇದೀಗ ಮತ್ತೊಂದು ಸಂಕಷ್ಟ ಎದುರಾಗಿದೆ. ಪೊಲೀಸ್ ಜೊತೆ ಕೂತ ಸಂಜನಾ ಇದೀಗ ಪರದಾಡುವಂತಾಗಿದೆ.

ಕಳೆದ ನಾಲ್ಕು ದಿನಗಳ ಹಿಂದೆ ನ್ಯಾಯಾಂಗ ಬಂಧನ ಆದೇಶದ ಹಿನ್ನೆಲೆಯಲ್ಲಿ ಸಂಜನಾಳನ್ನ ಮಹಿಳಾ ಪೊಲೀಸ್ ಸಿಬ್ಬಂದಿ ಜೈಲಿಗೆ ಕರೆದೊಯ್ದಿದ್ದಿದ್ದರು. ವಾಹನದಲ್ಲಿ ಸಂಜನಾಳ ಪಕ್ಕದಲ್ಲೇ ಮಹಿಳಾ PSI ಒಬ್ಬರು ಕುಳಿತುಕೊಂಡು ಪ್ರಯಾಣಿಸಿದ್ದರು. ಜೊತೆಗೆ, ವಾಹನದ ಲಾಸ್ಟ್ ಸೀಟ್​ನಲ್ಲಿ ಆ ಮಹಿಳಾ PSI ಹೆಗಲ ಮೇಲೆ ಸಂಜನಾ ಗಲ್ರಾನಿ ತಲೆ ಒರಗಿಸಿ ವಿಶ್ರಾಂತಿ ಸಹ ಪಡೆದಿದ್ದರು. ಇದೀಗ, ನಟಿಯ ಪಕ್ಕದಲ್ಲಿದ್ದ ಆ ಮಹಿಳಾ PSIಗೆ ಕೊರೊನಾ ಪಾಸಿಟಿವ್ ಎಂದು ವರದಿಯಾಗಿದೆ.

ಈ ಹಿನ್ನೆಲೆಯಲ್ಲಿ, ಪರಪ್ಪನ ಅಗ್ರಹಾರಕ್ಕೆ ತೆರಳಿದ್ದ ಪೊಲೀಸ್ ಟೀಂಗೆ ಕೊವಿಡ್​ ಟೆಸ್ಟ್ ಮಾಡಿಸಲಾಗಿದೆ. ಜೊತೆಗೆ, ಸಂಜನಾಗೆ ಕೊರೊನಾ ಟೆಸ್ಟ್ ಮಾಡಿಸುವ ಸಾಧ್ಯತೆ ಇದೆ. ಇನ್ನೂ ಈ ಮಾಹಿತಿ ತಿಳಿದ ಸಂಜನಾ ಫುಲ್ ಟೆನ್ಷನ್ ಆಗಿದ್ದಾರಂತೆ. ಪೊಲೀಸರು ಇಂದು ಜೈಲಿನಲ್ಲೇ ಸಂಜನಾಳನ್ನ ಕೊರೊನಾ ಟೆಸ್ಟ್ ಮಾಡಿಸಲಿದ್ದಾರೆ.