ಎಳೆನೀರು ಕುಡಿಯೋದು ಯಾರೋ..ಆದ್ರೆ ದೂರು ಮಾತ್ರ ಮಂಗಣ್ಣನಿಗೆ ಈ ವಿಡಿಯೋ ನೋಡಿ ನಿಜವಾದ ಕಳ್ಳರು ಯಾರು ಅಂತಾ ಗೊತ್ತಾಗುತ್ತೆ..

- Advertisement -

ತೆಂಗು ಬೆಳೆಗಾರರಲ್ಲಿ ನೀವು ತೆಂಗಿನ ಬೆಳೆ ಹೇಗಿದೆ ಅಂತಾ ಪ್ರಶ್ನೆ ಕೇಳಿದ್ರೆ, ಅಯ್ಯೋ! ಎಲ್ಲಾ ಮಂಗಗಳ ಪಾಲು ಅನ್ನೋರೇ ಜಾಸ್ತಿ. ಅದರಲ್ಲೂ ಕರಾವಳಿ ಭಾಗದಲ್ಲಿ ಈ ಉತ್ತರ ಸರ್ವೇ ಸಾಮಾನ್ಯ. ಎಲ್ಲರೂ ಬೊಟ್ಟು ಮಾಡಿ ತೋರಿಸೋದು ಮಂಗಗಳನ್ನೇ. ಆದ್ರೆ ಕಳ್ಳರು ಬೇರೆಯವರೂ ಇರ್ತಾರೆ ಅಂತಾ ಈ ವಿಡಿಯೋ ನೋಡಿದ್ರೆ ನಿಮ್ಗೆ ಗೊತ್ತಾಗುತ್ತೆ. ಸೋಶಿಯಲ್ ಮೀಡಿಯಾದಲ್ಲಿ ಗಿಳಿ ಜಾತಿಗೆ ಸೇರಿದ ಪಕ್ಷಿಯೊಂದು ತೆಂಗಿನ ಮರದ ಎಳೆನೀರು ಕಿತ್ತು ಕುಡಿಯುತ್ತಿರುವ ವೈರಲ್ ಆಗಿದೆ. ಇದನ್ನು ನೋಡಿದವರೆಲ್ಲಾ ಪಕ್ಷಿಗಳು ಕೂಡ ಹೀಗೆ ಮಾಡ್ತಾವಾ ಅಂತಾ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಈ ವಿಡಿಯೋವನ್ನು ಐಎಫ್ ಎಸ್ ಅಧಿಕಾರಿ ಸುಶಾಂತ್ ನಂದಾ ಎಂಬವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಎಳೆನೀರನ್ನು ಯಾರು ಇಷ್ಟ ಪಡುವುದಿಲ್ಲ ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ