5 ವರ್ಷಗಳ ಬಳಿಕ ತಂದೆಯಾದ ಖುಷಿಯಲ್ಲಿದ್ದ ಯುವಕ; ಮಗುವನ್ನು ನೋಡಲು‌ ಹೋಗುತ್ತಿದ್ದಾಗ ಅಪಘಾತಕ್ಕೆ ಬಲಿ

ಕೇರಳ; ಮದುವೆಯಾಗಿ 5 ವರ್ಷಗಳಿಂದ ಮಕ್ಕಳಿಲ್ಲದ ಚಿಂತೆಯಲ್ಲಿದ್ದ ಯುವಕನೊಬ್ಬ ಪತ್ನಿ ಮಗುವಿಗೆ ಜನ್ಮ‌ನೀಡಿದ ಕೆಲವೇ ಕ್ಷಣದಲ್ಲಿ ಅಪಘಾತಕ್ಕೆ ಬಲಿಯಾದ ಘಟನೆ ಕೇರಳದ ಪಶ್ಚಿಮ ಮಂಗಾದ್​ ಪೂವತ್ತೂರ್‌ ನಲ್ಲಿ ನಡೆದಿದೆ.

ಶರತ್​ (30) ಮೃತ ದುರ್ದೈವಿ.ಭಾನುವಾರ ಮಧ್ಯರಾತ್ರಿ ಸ್ನೇಹಿತನ ಜೊತೆ ಮನೆಯಿಂದ ಹೋಗುವಾಗ ಕುನ್ನಮ್ಕುಲಂ ಬಳಿ ಬೈಕ್​ ನಿಯಂತ್ರಣ ಕಳೆದುಕೊಂಡು ಎದುರುಗಡೆ ಇದ್ದ ಲೈಟ್​ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಗಂಭೀರವಾಗಿ ಗಾಯಗೊಂಡಿದ್ದ ಶರತ್​ ನನ್ನು ತಕ್ಷಣ ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಲ್ಲ.

ಶರತ್​ ಮದುವೆಯಾಗಿ ಐದು ವರ್ಷಗಳು ಮಕ್ಕಳಾಗಲಿಲ್ಲ. ಆ ಬಳಿಕ ಪತ್ನಿ ನಮಿತಾ ಗರ್ಭ ಧರಿಸಿದ್ದರು.‌ಹೆರಿಗೆ ದಿನಾಂಕವಾದ ಕಾರಣ ಡೆಲಿವರಿಗಾಗಿ ಭಾನುವಾರ ಸಂಜೆ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.ಸೋಮವಾರ ಆಕೆ ಗಂಡು‌ ಮಗುವಿಗೆ ಜನ್ಮ‌ ನೀಡಿದ್ದಾಳೆ. ಆದರೆ ಈ ವೇಳೆ ಪತಿ ಅಪಘಾತದಲ್ಲಿ ಮೃತಪಟ್ಟಿದ್ದಾನೆ.