ಮಂಜೇಶ್ವರದ ಮನೆಯೊಂದರಿಂದ 60 ಪವನ್ ಚಿನ್ನಾಭರಣ ಕದ್ದ ಕಳ್ಳರು

ಮಂಜೇಶ್ವರ;ಮನೆಗೆ ನುಗ್ಗಿದ ಕಳ್ಳರು 60 ಪವನ್ ಚಿನ್ನಾಭರಣ ಕದ್ದೊಯ್ದ ಘಟನೆಮಂಜೇಶ್ವರದಲ್ಲಿ ನಡೆದಿದೆ.  ಮಂಜೇಶ್ವರ ರಾಗಂ ಜಂಕ್ಷನ್ ನಿವಾಸಿ ಹಮೀದ್ ತಂಙಳ್ ಎಂಬವರ ಮನೆಗೆ ನುಗ್ಗಿದ ಕಳ್ಳರು 60 ಪವನ್ ಚಿನ್ನ ಹಾಗೂ 50 ಸಾವಿರ ರೂಪಾಯಿ ಕಳ್ಳತನ ಮಾಡಿದ್ದಾರೆ.

ಹಮೀದ್ ತಂಙಳ್ ಕುಟುಂಬ ಮನೆಗೆ ಬೀಗ ಹಾಕಿ ಎರಡು ದಿನಗಳ ಹಿಂದೆ ಏರ್ವಾಡಿಗೆ ತೆರಳಿದ್ದರು.ಗುರುವಾರ ಸಂಜೆ ಮನೆಗೆ ಮರಳಿ ಬಂದಾಗ ಕೃತ್ಯ ಬೆಳಕಿಗೆ ಬಂದಿದೆ ಎಂದು ಪೊಲೀಸರಿಗೆ ದೂರು ನೀಡಲಾಗಿದೆ.

ತಂಙಳ್ ಅವರ ಮನೆಯ ಹಿಂಬಾಗಿಲು ಮುರಿದು ಒಳನುಗ್ಗಿ ಕಳ್ಳರು ಕಪಾಟನ್ನು ಬೀಗ ಒಡೆದು ಕಳವುಗೈದಿದ್ದಾರೆ.ಈ ಬಗ್ಗೆ ಮಂಜೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.ಈ ಕುರಿತು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.