ಪಾಟ್ನಾ: ಮದುವೆಯಾಗಿ ಏಳು ವರ್ಷದಿಂದ ಸಂಸಾರ ನಡೆಸುತ್ತಿದ್ದ ಗಂಡನೇ ಹೆಂಡತಿಯನ್ನು ಆಕೆಯ ಪ್ರಿಯಕರನೊಂದಿಗೆ ಮದುವೆ ಮಾಡಿರುವ ಘಟನೆ ಬಿಹಾರದ ಸುಲ್ತಾನಪುರದಲ್ಲಿ ನಡೆದಿದೆ.
ಸುಲ್ತಾನ್ಪುರ ನಿವಾಸಿ ಉತ್ತಮ್ ಮಂಡಲ್ ಕಳೆದ ಏಳು ವರ್ಷಗಳ ಹಿಂದೆ ಸಪ್ನಾ ಹೆಸರಿನ ಯುವತಿಯನ್ನು ಮದುವೆಯಾಗಿದ್ದರು. ಆದರೆ ಮದುವೆಯಾದ ಮೇಲೆ ಸಪ್ನಾಳಿಗೆ ಬೇರೊಬ್ಬ ಯುವಕನೊಂದಿಗೆ ಪ್ರೀತಿ ಹುಟ್ಟಿದೆ. ರಾಜ್ಕುಮಾರ್ ಹೆಸರಿನ ಯುವಕನೊಂದಿಗೆ ಪ್ರೀತಿ ಗಾಢವಾಗಿ ಬೆಳೆದಿದೆ. ಈ ವಿಚಾರ ತಿಳಿದ ನಂತರ ಉತ್ತಮ್ ಆಕೆಯೊಂದಿಗೆ ಜಗಳವಾಡಿದ್ದಾನೆ. ಆದರೆ ಎಷ್ಟೆಂದರೂ ಕೇಳದ ಸ್ವಪ್ನಾ ಅವನನ್ನೇ ಪ್ರೀತಿಸುವುದಾಗಿ ವಾದಿಸಿದ್ದಾಳೆ.
ಸ್ವಪ್ನಾಳ ತಂದೆ ತಾಯಿಗೂ ಈ ವಿಚಾರ ತಿಳಿಸಿದ ಉತ್ತಮ್, ಆಕೆಗೆ ಬುದ್ಧಿ ಹೇಳಿಸುವ ಪ್ರಯತ್ನ ಮಾಡಿದ್ದಾನೆ. ಯಾವುದಕ್ಕೂ ಬಗ್ಗದಿದ್ದಾಗ ಖುದ್ದು ತಾನೇ ಆಕೆಗೆ ಮತ್ತೊಂದು ಮದುವೆ ಮಾಡಿಸುವ ನಿರ್ಧಾರ ಮಾಡಿದ್ದಾನೆ. ಮನೆ ಹತ್ತಿರದ ದುರ್ಗಾ ಸ್ಥಳದಲ್ಲಿ ರಾಜ್ಕುಮಾರ್ ಮತ್ತು ಸ್ವಪ್ನಾ ಮದುವೆ ಮಾಡಿಸಿದ್ದಾನೆ. ಉತ್ತಮ್ ಸ್ವಪ್ನಾ ದಂಪತಿಗೆ ಇಬ್ಬರು ಮಕ್ಕಳಿದ್ದು, ಇದೀಗ ಆ ಇಬ್ಬರು ಮಕ್ಕಳು ಅಪ್ಪನೊಂದಿಗಿದ್ದಾರೆ.
