ಮದುವೆ ದಿಬ್ಬಣದ ಬಸ್ ಅಪಘಾತ ಪ್ರಕರಣ: ಅವಘಡದಲ್ಲಿ ಮೃತಪಟ್ಟ ತಂದೆ ಮಗನ ಅಂತ್ಯಕ್ರಿಯೆ

ಪುತ್ತೂರು : ನಿನ್ನೆ ಕಾಸರಗೋಡಿನ ಪಾಣತ್ತೂರಿನಲ್ಲಿ ನಡೆದ ಬಸ್ ದುರಂತದಲ್ಲಿ ಸಾವನ್ನಪ್ಪಿದ ಪುತ್ತೂರಿನ ಬಲ್ನಾಡು ಚನಿಲ ಪಾಲೆಚ್ಚಾರು ಚೋಮ ನಾಯ್ಕರವರ ಪುತ್ರ ರಾಜೇಶ್ (38.ವ) ಹಾಗೂ ಅವರ ಪುತ್ರ ಆದರ್ಶ(14ವ) ರವರ ಅಂತ್ಯಕ್ರಿಯೆ ಇಂದು ಚಿಕ್ಕ ಪುತ್ತೂರು ಸ್ಮಶಾನದಲ್ಲಿ ನಡೆಯಿತು.

ಈ ಸಂದರ್ಭದಲ್ಲಿ ಕ್ಯಾಂಪ್ಕೋ ನಿಕಟಪೂರ್ವ ನಿರ್ದೇಶಕ ಚನಿಲ ತಿಮ್ಮಪ್ಪ ಶೆಟ್ಟಿ, ತಾ.ಪಂ ಸ್ಥಾಯಿ ಸಮಿತಿ ಅಧ್ಯಕ್ಷ ಸಾಜ ರಾಧಾಕೃಷ್ಣ ಆಳ್ವ, ಪುತ್ತೂರು ಕೋ ಓಪರೇಟಿವ್ ಟೌನ್ ಬ್ಯಾಂಕ್ ನಿರ್ದೇಶಕ ಕಿರಣ್ ಮತ್ತು ಮೃತರ ಸಂಬಂಧಿಕರು ಹಾಗೂ ಊರವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.