ನ್ಯೂಸ್ ಡೆಸ್ಕ್; ನೀವೆಲ್ಲಾ ಬಕ್ರೀದ್ ಸಮಯದಲ್ಲಿ ಲಕ್ಷಾಂತರ ರೂಪಾಯಿಗಳಿಗೆ ಕುರಿ ಮಾರಾಟವಾಗಿರೋದನ್ನು ನೋಡಿರ್ಬೋದು. ಆದ್ರೆ ಇಷ್ಟೊಂದು ದುಬಾರಿ ಬೆಲೆಯ ಕುರಿಯನ್ನು ನೀವು ನೋಡಿರಲು ಸಾಧ್ಯವೇ ಇಲ್ಲ. ಈ ಕುರಿಯ ಬೆಲೆ ಕೇಳಿದ್ರೆ ನೀವು ನಿಜಕ್ಕೂ ಶಾಕ್ ಆಗ್ತೀರಾ..
ಆಸ್ಟ್ರೇಲಿಯನ್ ವೈಟ್ ಸ್ಟಡ್ ಎಂಬ ತಳಿಯ ಕುರಿಯನ್ನು ಈ ಎಲೈಟ್ ಆಸ್ಟ್ರೇಲಿಯನ್ ವೈಟ್ ಸಿಂಡಿಕೇಟ್ ಎರಡು ಕೋಟಿ ರೂಪಾಯಿಗಳನ್ನು ಕೊಟ್ಟು ಖರೀದಿ ಮಾಡಿದೆ. ನ್ಯೂ ಸೌತ್ವೇಲ್ಸ್ನಿಂದ ಬಂದಿರುವ ನಾಲ್ವರು ವ್ಯಕ್ತಿಗಳು ಇಷ್ಟು ಬೃಹತ್ ಮೊತ್ತವನ್ನು ಕೊಟ್ಟು ಇದನ್ನು ಖರೀದಿ ಮಾಡಿದ್ದಾರೆ.
ಸೆಂಟ್ರಲ್ ನ್ಯೂ ಸೌತ್ ವೇಲ್ಸ್ ಮಾರಾಟದಲ್ಲಿ ಕುರಿಗಳನ್ನು ಮಾರಾಟ ಮಾಡಲಾಗುತ್ತದೆ. ಆಸ್ಟ್ರೇಲಿಯನ್ ವೈಟ್ ಸ್ಟಡ್ ಅನಿಮಲ್ ಈ ಹಿಂದೆ ವಿಶ್ವದ ಅತ್ಯಂತ ದುಬಾರಿ ಕುರಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. ಕಳೆದ ವರ್ಷ ಒಂದು ಕುರಿ 1.35 ಕೋಟಿ ರೂಪಾಯಿಗೆ ಮಾರಾಟ ಮಾಡಲಾಗಿತ್ತು. ಈಗ ಈ ಕುರಿ ಆ ದಾಖಲೆ ಮುರಿಯುವ ಜತೆಗೆ ವಿಶ್ವ ದಾಖಲೆ ಬರೆದಿದೆ.
ಆಸ್ಟ್ರೇಲಿಯನ್ ವೈಟ್ ಶೀಪ್ ಕುರಿಯ ತಳಿ ತುಂಬಾ ವಿಶೇಷ ತಳಿಯಾಗಿದೆ , ಇದಕ್ಕೆ ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆ ಇದೆ. ಈ ತಳಿಯ ಕುರಿಗಳಲ್ಲಿ ತುಪ್ಪಳವು (ಉಣ್ಣೆ) ಕಡಿಮೆ ಪ್ರಮಾಣದಲ್ಲಿ ಕಂಡುಬರುತ್ತದೆ. ಕಳೆದ ಕೆಲ ವರ್ಷಗಳಿಂದ, ಕುರಿಗಳಿಂದ ಉಣ್ಣೆ ತೆಗೆಯುವ ಸಂಖ್ಯೆ ತುಂಬಾ ಕಡಿಮೆಯಾಗಿದೆ. ಉಣ್ಣೆ ತೆಗೆಯುವ ಪ್ರಕ್ರಿಯೆಯು ತುಂಬಾ ದುಬಾರಿಯಾಗಿರುವ ಕಾರಣ ಅದಕ್ಕೆ ಬೆಲೆ ಇಲ್ಲ. ಆದರೆ ಈ ತಳಿಯ ಕುರಿಗಳಲ್ಲಿ ಉಣ್ಣೆ ಕಡಿಮೆ ಇರುವ ಕಾರಣ, ಮಾಂಸಕ್ಕಾಗಿ ಬಳಸಲಾಗುತ್ತದೆ.ಮಾಂಸವು ಕೂಡ ಅಷ್ಟೇ ರುಚಿಕರವಾಗುತ್ತದೆ ಎನ್ನಲಾಗುತ್ತಿದೆ.
