ಬೆಂಗಳೂರು: ರಾಜ್ಯದಲ್ಲಿ ನವೆಂಬರ್ 17ರಂದು ಕಾಲೇಜುಗಳು ಪ್ರಾರಂಭವಾಗಲಿದ್ದು, ವಿದ್ಯಾರ್ಥಿಗಳಿಗೆ ಆನ್ ಲೈನ್ ಮತ್ತು ಆಫ್ ಲೈನ್ ತರಗತಿಗಳನ್ನ ಆರಂಭಿಸುವುದಾಗಿ ಉನ್ನತ ಶಿಕ್ಷಣ ಸಚಿವ ಹಾಗೂ ಉಪ ಮುಖ್ಯಮಂತ್ರಿ ಡಾ.ಅಶ್ವಥ್ ನಾರಾಯಣ್ ಅವರು ತಿಳಿಸಿದ್ದಾರೆ.
ವಿದ್ಯಾರ್ಥಿಗಳ ಆತಂಕವನ್ನು ಗಮನದಲ್ಲಿಟ್ಟುಕೊಂಡು ಈ ಕಾರ್ಯಕ್ರಮ ನಡೆಯಿತು. ಪ್ರತಿಯೊಬ್ಬರಿಗೂ ಅವರದೇ ಆದ ಆದ್ಯತೆ ಇರುತ್ತದೆ. ಕೋವಿಡ್ ನಿಂದಾಗಿ, ಅನೇಕರು ಆನ್ ಲೈನ್ ತರಗತಿಗಳನ್ನ ಆಯ್ಕೆ ಮಾಡಬಹುದು. ಆದರೆ ಇನ್ನೂ ಅನೇಕರು ಆಫ್ ಲೈನ್ ನಲ್ಲಿ ಇಷ್ಟಪಡುತ್ತಾರೆ. ಹಾಗಾಗಿ ವಿದ್ಯಾರ್ಥಿಗಳಿಗೆ ಎರಡೂ ಆಯ್ಕೆಗಳನ್ನ ನೀಡಿದ್ದೇವೆ. ಅಲ್ಲದೇ ಆನ್ ಲೈನ್ ನಲ್ಲಿ ಪ್ರಾಯೋಗಿಕ ತರಗತಿಗಳನ್ನ ನಡೆಸಲು ಸಾಧ್ಯವಾಗೋಲ್ಲ. ಹಾಗಾಗಿ, ನಾವು ಪ್ರಾಯೋಗಿಕ ತರಗತಿಗಳನ್ನ ಆಫ್ ಲೈನ್ ನಲ್ಲಿ ಇಟ್ಟಿದ್ದೇವೆ. ಯುಜಿಸಿಯು ನಿಯಮಗಳನ್ನ ಮಾಡಿದೆ. ಅಲ್ಲದೇ ಎಂಎಚ್‌ಎ ಸಹ ಕಾಲೇಜುಗಳ ಮರು ಆರಂಭಕ್ಕೆ ಅನುಮತಿ ನೀಡಿದೆ. ನಾವು ಎಲ್ಲಾ ಮುನ್ನೆಚ್ಚರಿಕೆಗಳನ್ನ ತೆಗೆದುಕೊಳ್ಳುತ್ತಿದ್ದೇವೆ ಎಂದರು.
ಕಾಲೇಜುಗಳಲ್ಲಿ ಎಲ್ಲ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಆದ್ರೂ ವಿದ್ಯಾರ್ಥಿಗಳು ಮತ್ತು
ಪೋಷಕರು ಒಪ್ಪಿಗೆ ಅತ್ಯಗತ್ಯ. ಪೋಷಕರ ಒಪ್ಪಿಗೆ ಪತ್ರ ಕಳುಹಿಸಲೇಬೇಕು. ಅದ್ರಂತೆ, ಆಫ್ ಲೈನ್ ತರಗತಿಗಳು ಕೇವಲ ಸ್ವಯಂಪ್ರೇರಿತವಾಗಿದ್ದು, ಅದು ಪೋಷಕರ ಆಯ್ಕೆಯಾಗಿದೆ ಎಂದರು.
ಸಂಸ್ಥೆಯಲ್ಲಿ ನಾವು ಎಲ್ಲಾ ಕ್ರಮಗಳನ್ನ ತೆಗೆದುಕೊಳ್ಳುತ್ತಿದ್ದೆವು, ಭೌತಿಕ ಅಂತರ, ಥರ್ಮಲ್ ಸ್ಕ್ಯಾನರ್ ಗಳು, ಮಾಸ್ಕ್, ನೈರ್ಮಲ್ಯ, ಸೀಮಿತ ಸಂಖ್ಯೆಗಳು, ಇತ್ಯಾದಿ ವ್ಯವಸ್ಥೆಗಳನ್ನ ಮಾಡಲಾಗ್ತಿದೆ. ಇನ್ನು ಇದೇ ವೇಳೆ ಆನ್ ಲೈನ್ ತರಗತಿಗಳನ್ನ ಸಹ ಬಲಪಡಿಸಲಾಗುವುದು ಎಂದು ಹೇಳಿದ್ದಾರೆ.
ಇಷ್ಟು ದಿನಗಳ ಕಾಲ ರಜೆಯಲ್ಲಿದ್ದೇವು. ಆನ್ ಲೈನ್ ಮತ್ತು ಆಫ್ ಲೈನ್ ತರಗತಿಗಳಿಗೆ ರಜೆಯನ್ನ ಕಡಿತಗೊಳಿಸಲಿದ್ದೇವೆ. ಹಾಗಾಗಿ ರಜೆ ಇರುವುದಿಲ್ಲ. ತರಗತಿಗಳು ಮುಂದುವರೆಯುತ್ತವೆ. ಪಠ್ಯಕ್ರಮದ ಪ್ರಕಾರ ತರಗತಿಗಳ ಸಂಖ್ಯೆ ಕಾರ್ಯಕ್ರಮಗಳ ದಿನಾಂಕದ ಪ್ರಕಾರ ಇರಲಿದೆ ಎಂದರು.
ತಿಂಗಳುಗಟ್ಟಲೆ ಕಾಲೇಜಿಗೆ ಕಾಲಿಡದೇ ಇರುವುದರಿಂದ ಉಪನ್ಯಾಸಕರು ತುಂಬಾ ಖುಷಿಯಾಗಿದ್ದಾರೆ. ಈಗಾಗಲೇ ಅನೇಕರು ಆನ್ ಲೈನ್ ನಲ್ಲಿ ಕೆಲಸ ಮಾಡುತ್ತಿದ್ದಾರೆ ಮತ್ತು ಈಗ ಅವರು ದೈಹಿಕವಾಗಿ ಕಾಲೇಜುಗಳಿಗೆ ಬರಬೇಕಾಗಿದೆ. ಆರ್ಥಿಕ ವ್ಯವಸ್ಥೆ ತೆರೆದುಕೊಂಡಿದ್ದು, ಎಲ್ಲೆಡೆ ಚಟುವಟಿಕೆಗಳು ನಡೆಯುತ್ತಿವೆ ಎಂಧ್ರು.
ಸ್ಟ್ಯಾಂಡರ್ಡ್ ಆಪರೇಟಿಂಗ್ ಪ್ರೊಸೀಜರ್ ಬಗ್ಗೆ ಪ್ರಶ್ನೆಗೆ ಉತ್ತರಿಸಿದ ಡಿಸಿಎಂ, ಮೊದಲು ಪದವಿ, ನಂತರ ಕ್ರಮೇಣ ಪಿಯುಸಿ, ನಂತರ ಎಸ್ ಎಸ್ ಎಲ್ ಸಿ, ನಂತರ ಕೆಳತರಗತಿಗಳಲ್ಲಿ ತರಗತಿ ಗಳನ್ನು ಪ್ರಾರಂಭಿಸುತ್ತೇವೆ. ಇತ್ತೀಚೆಗೆ ನಡೆದ ಇತರ ಪರೀಕ್ಷೆಗಳಿಗೆ ಎಸ್ ಒಪಿ ಯು ನಾವು ಹೊಂದಿದ್ದ ಪರೀಕ್ಷೆಗಳಂತೆಯೇ ಇರುತ್ತದೆ. ಆಫ್ ಲೈನ್ ತರಗತಿಗಳಿಗೂ ದೈಹಿಕ ದೂರಿಗೆ SOP ಅನ್ನು ಅನುಸರಿಸಲಾಗುತ್ತೆ ಎಂದರು.
ಹಾಸ್ಟೆಲ್ ಗಳನ್ನ ಹೇಗೆ ನಿಭಾಯಿಸುತ್ತೀರಿ? ಸಾಮರ್ಥ್ಯ ಹೆಚ್ಚಿಸಲಿದೆಯೇ? ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಅವ್ರು, ಎಷ್ಟು ವಿದ್ಯಾರ್ಥಿಗಳು ನೋಂದಣಿ ಮಾಡಿ, ಎಷ್ಟು ವಿದ್ಯಾರ್ಥಿಗಳು ವಾಪಸ್ ಬರುತ್ತಾರೆ ಎಂಬುದನ್ನ ಕಾದು ನೋಡಬೇಕಿದೆ. ಅದರ ಆಧಾರದ ಮೇಲೆ ನಿರ್ಧಾರ ತೆಗೆದುಕೊಳ್ಳುತ್ತೇವೆ. ಯಾರು ವಾಪಸ್ ಬರಬೇಕೆಂದು ಬಯಸುತ್ತಾರೋ, ನಾವು ಅವರಿಗೆ ಅವಕಾಶ ನೀಡುತ್ತೇವೆ. ಇದುವರೆಗೆ ಹಾಸ್ಟೆಲ್ ಗಳು ಕ್ವಾರೆಂಟಿನ್ ಮತ್ತು ಕೋವಿಡ್ ಕೇಂದ್ರಗಳಾಗಿದ್ದವು ಎಂದರು.
