ಭೂಪಾಲ್: ಕೊರೋನಾ ಮಹಾಮಾರಿ ದೇಶವ್ಯಾಪಿ ಶರವೇಗದಲ್ಲಿ ಹಬ್ಬುತ್ತಿರುವಾಗ ಮಾಸ್ಕ್ ಮತ್ತು ಸಾಮಾಜಿಕ ಅಂತರ ಕಡ್ಡಾಯ ಮಾಡಿ ಸರಕಾರ ಮಾರ್ಗಸೂಚಿ ಆದೇಶ ಹೊರಡಿಸಿದೆ. ಆದರೆ ಜಾಗೃತಿಯ ಕೊರತೆಯಿಂದಾಗಿ ಹೆಚ್ಚಿನ ಜನತೆ ಇದರ ಗೋಜಿಗೆ ಹೋಗುವುದಿಲ್ಲ.
ಇದಕ್ಕೆ ಸಾಕ್ಷಿ ಎಂಬಂತೆ ಮಧ್ಯಪ್ರದೇಶದ ದಾಮಹ್ನಲ್ಲಿ ಮಾಸ್ಕ್ ಧರಿಸದ ಬೈಕ್ ಸವಾರನೊಬ್ಬ ಪೊಲೀಸರಿಂದ ಬೀಳುವ ದಂಡದಿಂದ ತಪ್ಪಿಸಲು ಪತ್ನಿಯ ಒಳಲಂಗವನ್ನು (ಸೀರೆಯ ಒಳಗೆ ಧರಿಸುವ ಲಂಗ)ನ್ನೇ ತೆಗೆದು ಮೂಗಿ, ಬಾಯಿಗೆ ಮುಚ್ಚಿಕೊಂಡು ಸುದ್ದಿಯಾಗಿದ್ದಾನೆ.
ಕೊರೋನಾ ಮಾರ್ಗಸೂಚಿ ಉಲ್ಲಂಘನೆಯ ದಂಡದಿಂದ ತಪ್ಪಿಸಿಕೊಳ್ಳಲು ಈ ವ್ಯಕ್ತಿ ಮಾಡಿದ ‘ಸಾಹಸ’ ನೋಡಿ ರಸ್ತೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಪೊಲೀಸರೇ ಬೆರಗಾಗಿದ್ದಾರೆ.
ಘಟನೆಯ ವಿವರ:
ದಾಮೋಹ್ನ ಬಂಡಕ್ಪುರದ ರಸ್ತೆಯಲ್ಲಿ ಪೊಲೀಸರು ಕೊರೋನಾ ಭೀತಿಯ ನಡುವೆ ಮಾಸ್ಕ್ ಧರಿಸದೇ, ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ರಸ್ತೆಯಲ್ಲಿ ಓಡಾಡುವವರನ್ನು ಹಿಡಿದು ಪ್ರಶ್ನೆ ಮಾಡುತ್ತಿದ್ದರು. ಆ ಸಮಯದಲ್ಲಿ ಬೈಕ್ ಸವಾರನೊಬ್ಬ ಪೊಲೀಸರು ರಸ್ತೆಯಲ್ಲಿ ನಿಂತಿರುವುದನ್ನು ದೂರದಿಂದಲೇ ಗಮನಿಸಿದ.
ಮಾಸ್ಕ ಧರಿಸದೇ ಹಾಗೂ ಯಾವುದೇ ಮಾಸ್ಕ ಅಥವಾ ಕರವಸ್ತ್ರಗಳನ್ನು ತನ್ನೊಂದಿಗೆ ಇಟ್ಟುಕೊಂಡಿರದಿದ್ದ ಈತ ತಕ್ಷಣ ತನ್ನ ಬ್ಯಾಗ್ನಲ್ಲಿದ್ದ ಪತ್ನಿಯ ಒಳಲಂಗವನ್ನೇ ತೆಗೆದು ಮಾಸ್ಕ್ನಂತೆ ಕಟ್ಟಿಕೊಂಡಿದ್ದಾನೆ. ಹಾಗೇ ಪೊಲೀಸರು ವಿಧಿಸುವ ದಂಡದಿಂದ ಪಾರಾಗಿದ್ದಾನೆ. ಆದರೆ ಅವನ ಫೋಟೋ, ವಿಡಿಯೋಗಳು ಸಿಕ್ಕಾಪಟೆ ವೈರಲ್ ಆಗಿ, ನಗು ಮೂಡಿಸಿದೆ.