- Advertisement -
- Advertisement -
ನವದೆಹಲಿ: ಆನ್ಲೈನ್ ಹಣ ಪಾವತಿಯಲ್ಲಿ ಯುಪಿಐ ಪಾವತಿಗಳ ಮೇಲೆ ಶುಲ್ಕ ವಿಧಿಸುವುದಿಲ್ಲ ಎಂದು ವಿತ್ತ ಸಚಿವಾಲಯ ಸ್ಪಷ್ಟನೆ ನೀಡಿದೆ. ಯುಪಿಐ, ನೆಫ್ಟ್ನಂತಹ ಆನ್ಲೈನ್ ಪಾವತಿಗಳಿಗೆ ಶುಲ್ಕ ವಿಧಿಸುವ ಬಗ್ಗೆ ರಿಸರ್ವ್ ಬ್ಯಾಂಕ್ ಜನರ ಅಭಿಪ್ರಾಯ ಸಂಗ್ರಹಿಸುತ್ತಿದೆ ಎಂದು ಶನಿವಾರ ವರದಿಯಾಗಿತ್ತು.
ಸುದ್ದಿಗೆ ಸ್ಪಷ್ಟೀಕರಣ ನೀಡಿರುವ ವಿತ್ತ ಸಚಿವಾಲಯ, ಯುಪಿಐ ಪೇಮೆಂಟ್ ಜನರಿಗೆ ಭಾರಿ ಅನುಕೂಲ ನೀಡಿದೆ. ಇದು ಡಿಜಿಟಲ್ ಹಣ ಪಾವತಿಯಲ್ಲಿ ಯಶಸ್ಸು ಸಾಧಿಸಿದೆ. ಜನರ ಅನುಕೂಲಕ್ಕೋಸ್ಕರ ಇರುವ ವ್ಯವಸ್ಥೆಯ ಮೇಲೆ ಯಾವುದೇ ಸೇವಾ ಶುಲ್ಕ ಜಾರಿ ಮಾಡುವುದಿಲ್ಲ ಎಂದು ಹೇಳಿದೆ.
ಯುಪಿಐ ಕಂಪನಿಗಳ ಚೇತರಿಕೆಗೆ ಅನ್ಯ ಕ್ರಮ ಜಾರಿ ಮಾಡಲಾಗುವುದು. ಸರ್ಕಾರ ಕಳೆದ ವರ್ಷ ನೀಡಿದಂತೆ ಈ ವರ್ಷವೂ ಆರ್ಥಿಕ ನೆರವು ನೀಡಲಿದೆ. ಜನರ ಮೇಲೆ ಈ ಹೊರೆಯನ್ನು ಹಾಕುವುದಿಲ್ಲ ಎಂದು ಸ್ಪಷ್ಟನೆಯಲ್ಲಿ ತಿಳಿಸಿದೆ.
- Advertisement -