ಇನ್ನು ಮುಂದೆ ರಸ್ತೆಯಲ್ಲಿ ನಡೆದುಕೊಂಡು ಹೋಗುವಾಗ ಮೊಬೈಲ್ ಬಳಸಿದರೆ ಜೈಲು ಗ್ಯಾರಂಟಿ..!

ರಸ್ತೆಯಲ್ಲಿ ನಡೆದುಕೊಂಡು ಹೋಗಬೇಕಾದರೆ ಮೊಬೈಲ್ ಬಳಸುವಂತಿಲ್ಲ. ಹಾಗೇನಾದರೂ ಬಳಸಿದರೆ ಜೈಲು ಗ್ಯಾರಂಟಿ. ರಸ್ತೆಯಲ್ಲಿ ನಡೆಯುವಾಗ ಮೊಬೈಲ್ ಬಳಸುವುದರಿಂದ ಅಪಘಾತಗಳು, ಅವಘಡಗಳು ನಡೆಯುತ್ತಿವೆ ಎಂಬ ಕಾರಣಕ್ಕೆ ರಸ್ತೆಯಲ್ಲಿ ಮೊಬೈಲ್ ಬಳಸುವುದನ್ನು ನಿಷೇಧಿಸಲು ಚಿಂತಿಸಲಾಗುತ್ತಿದೆ.

ಹೌದು, ಜಪಾನ್ ದೇಶ ಇಂತಹದೊಂದು ಕಾನೂನು ತರಲು ಮುಂದಾಗುತ್ತಿದೆ. ಈ ದೇಶದ ಕನಗಾವಾ ಪ್ರಾಂತ್ಯದ ನಗರದಲ್ಲಿ ಈ ಕಾನೂನು ಜಾರಿಯಾಗುತ್ತಿದೆ. ಈ ಕಾನೂನು ಜಾರಿಗೂ ಮುನ್ನ ಇಲ್ಲಿನ ಸ್ಥಳೀಯ ಮಾಧ್ಯಮವೊಂದು ಸಮೀಕ್ಷೆ ನಡೆಸಿದೆ. ಸಮೀಕ್ಷೆಯಲ್ಲಿ ಶೇ.12ರಷ್ಟು ಮಂದಿ ನಡೆದುಕೊಂಡು ಹೋಗುವಾಗ ಮೊಬೈಲ್ ಬಳಸುತ್ತಾರೆಂದು ಹೇಳಿದೆ. ಹೀಗಾಗಿ ಈ ಕಾನೂನು ತರಲು ಮುಂದಾಗಿದೆ.