ರಾಷ್ಟ್ರೀಯ ಹೆದ್ದಾರಿ 169ರಲ್ಲಿ ರಸ್ತೆಗೆ ಕುಸಿದ ಮಣ್ಣು; ಶೃಂಗೇರಿ – ಮಂಗಳೂರು ಹೆದ್ದಾರಿ ಬಂದ್

- Advertisement -

ಶೃಂಗೇರಿ: ಧಾರಾಕಾರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ರಾಷ್ಟ್ರೀಯ ಹೆದ್ದಾರಿ 169 ರಲ್ಲಿ ರಸ್ತೆ ಬದಿಯಲ್ಲಿ ಮಣ್ಣು ಕುಸಿತವಾಗಿದೆ.

ಶೃಂಗೇರಿ ಸಮೀಪದ ಕೆರೆ ಕಟ್ಟೆ ಬಳಿ ರಸ್ತೆಗೆ ಮಣ್ಣು ಕುಸಿದಿದ್ದು, ಶೃಂಗೇರಿ – ಮಂಗಳೂರು ಸಂಪರ್ಕಿಸುವ ಹೆದ್ದಾರಿ ಸಂಚಾರ ಬಂದ್ ಆಗಿದೆ.ಇದೇ ವೇಳೆ, ಶೃಂಗೇರಿ ಶಾರದಾ ಮಠದ ಸಮೀಪ ತುಂಗಾ ನದಿಯಲ್ಲಿ ನೀರು ಏರಿಕೆಯಾಗಿದ್ದು, ನೆರೆ ಆತಂಕ ಎದುರಾಗಿದೆ.

ಇನ್ನು ರಾತ್ರಿ ವೇಳೆಯಲ್ಲಿ ಮಳೆ ಹೆಚ್ಚಾದರೆ ಶೃಂಗೇರಿ ಮಠದ ಸುತ್ತಮುತ್ತಲಿನ ಪ್ರದೇಶ ಜಲಾವೃತವಾಗುವ ಸಾಧ್ಯತೆ ಇದೆ.