ಬೆಂಗಳೂರು: ಕೊರೋನಾ ಕಾರಣದಿಂದಾಗಿ ಈ ಸಲ ಖಾಸಗಿ ಶಾಲೆಯ ಶುಲ್ಕ ಅಥವಾ ಫೀಸ್ ಅನ್ನು ರಾಜ್ಯ ಸರ್ಕಾರ ಕಡಿತ ಮಾಡಿದೆ. 2020-21ನೇ ಸಾಲಿಗೆ ಸೀಮಿತಗೊಂಡಂತೆ ರಾಜ್ಯದಲ್ಲಿ ಯಾವುದೇ ಪಠ್ಯಕ್ರಮವನ್ನ ಭೋದಿಸುವ ಶಾಲೆಗಳು ಕಳೆದ ಸಲ (2019-20) ತೆಗೆದುಕೊಂಡಿದ್ದ ಭೋದನಾ ಶುಲ್ಕ ಅಥವಾ ಟೂಷನ್ ಫೀಸ್ನ ಶೇ. 70ರಷ್ಟು ಮಾತ್ರ ಒಟ್ಟು ಶುಲ್ಕವಾಗಿ ತೆಗೆದುಕೊಳ್ಳಬೇಕು ಅಂತ ಪ್ರಾಥಮಿಕ ಮತ್ತು ಪ್ರೌಢಶಿಕ್ಷಣ ಸಚಿವ ಸುರೇಶ್ ಕುಮಾರ್ ಹೇಳಿದ್ದಾರೆ.
ಇದನ್ನು 2 ಅಥವಾ 3 ಕಂತುಗಳಲ್ಲಿ ಕಟ್ಟಲು ಅವಕಾಶವನ್ನ ಕೂಡ ಕೊಡಬೇಕು. ಈ ಶುಲ್ಕವನ್ನ ಹೊರತುಪಡಿಸಿ ಡೊನೇಷನ್ ಆಗಲೀ ಅಥವಾ ಅಭಿವೃದ್ಧಿ ಶುಲ್ಕ ಆಗಲೀ ಸೇರಿದಂತೆ ಬೇರೆ ಯಾವುದೇ ಶುಲ್ಕ ತೆಗೆದುಕೊಳ್ಳುವಂತಿಲ್ಲ. ಯಾವುದಾದ್ರೂ ಶಾಲೆ ಇದಕ್ಕಿಂತಲೂ ಕಮ್ಮಿ ಫೀಸ್ ತೆಗೆದುಕೊಳ್ತೀವಿ ಅಂದ್ರೆ ಅದಕ್ಕಿಂತ ಖುಷಿಯ ವಿಚಾರ ಮತ್ತೊಂದಿಲ್ಲ. ಕೆಲವೊಂದು ಶಿಕ್ಷಣ ಸಂಸ್ಥೆಗಳು ಶೇ. 40ರಷ್ಟು ಫೀಸ್ ಕಲೆಕ್ಟ್ ಮಾಡ್ತಿವೆ. ಅದು ಒಳ್ಳೆಯ ವಿಚಾರ. ಇನ್ನೂ ಕೆಲ ಶಾಲೆಗಳು ಸರ್ಕಾರ ಈ ವಿಚಾರದಲ್ಲಿ ಮಧ್ಯಪ್ರವೇಶ ಆಗ್ಬಾರ್ದು ಅಂತ ಹೇಳಿದ್ರು.
ಆದ್ರೆ ಎಲ್ಲಾ ಶಾಲೆಗಳು ಅನ್ವಯವಾಗುವಂತೆ ಒಂದು ನಿಯಮ ತರಬೇಕು ಅಂತ ನಾವು ಈ ನಿರ್ಧಾರ ತೆಗೆದುಕೊಂಡಿದ್ದೀವಿ. ಒಂದ್ವೇಳೆ ಸ್ಕೂಲ್ ಫೀಸ್ ಬಗ್ಗೆ ಶಾಲೆ ಮತ್ತು ಪೋಷಕರ ಮಧ್ಯೆ ಏನಾದ್ರೂ ತಕರಾರು ಬಂದ್ರೆ ಅದಕ್ಕೆ ಸಂಬಂಧಿಸಿದಂತೆ ಜಿಲ್ಲಾ ಮಟ್ಟದಲ್ಲಿ ಸಮಿತಿ ರಚಿಸಿ ಬಗೆಹರಿಸಲಾಗುವುದು ಅಂತ ಹೇಳಿದ್ದಾರೆ.
