ಬಿಹಾರ: ಕಾಲೇಜು ಯುವಕನೊಬ್ಬ ತನ್ನ ತಂದೆ-ತಾಯಿಯ ಹೆಸರನ್ನು ಸಿನಿಮಾ ನಟಿಯರ ಹೆಸರನ್ನಾಗಿ ಬದಲಾಯಿಸಿದ್ದಾನೆ. ಹೌದು, 20 ವರ್ಷದ ದ್ವಿತೀಯ ಪದವಿ ಓದುತ್ತಿರುವ ಯುವಕ ಕುಂದನ್ ಕುಮಾರ್ ತನ್ನ ತಂದೆ-ತಾಯಿಯ ಹೆಸರನ್ನು ಇಮ್ರಾನ್ ಹಶ್ಮಿ ಮತ್ತು ಸನ್ನಿ ಲಿಯೋನ್ ಎಂದು ಬದಲಾಯಿಸಿದ್ದಾನೆ.
ಅಂದ್ಹಾಗೆ ಈತ ಬಿಹಾರದ ಮುಜಾಫರ್ ಬಳಿಯ ಧನ್ರಾಜ್ ಮಹ್ತೋ ಡಿಗ್ರಿ ಕಾಲೇಜಿನಲ್ಲಿ ದ್ವಿತೀಯ ಬಿಎ ಓದುತ್ತಿದ್ದಾನೆ ಎನ್ನಲಾಗಿದೆ. ಈತ ತನ್ನ ತಂದೆ-ತಾಯಿಯ ಹೆಸರನ್ನು ಬಾಲಿವುಡ್ ನಟ-ನಟಿಯರಾದ ಇಮ್ರಾನ್ ಹಾಶ್ಮಿ ಮತ್ತು ಸನ್ನಿ ಲಿಯೋನ್ ಎಂದು ಬದಲಾಯಿಸಿರುವುದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.
ಈತ ತನ್ನ ಅಡ್ಮಿಶನ್ ಕಾರ್ಡ್ನಲ್ಲಿ ಪೋಷಕರ ಹೆಸರು ಮತ್ತು ವಿಳಾಸ ಬದಲಾವಣೆ ಮಾಡಿದ್ದ. ಇದನ್ನು ನೋಡಿ ಭೀಮ್ ರಾವ್ ಅಂಬೇಡ್ಕರ್ ಬಿಹಾರ ಯೂನಿವರ್ಸಿಟಿ ಶಾಕ್ ಆಗಿತ್ತು. ಈತ ಮೂಲತಃ ಮೀನಾಪುರ್ ಬ್ಲಾಕ್ನವನು. ಆದರೆ ತನ್ನ ವಿಳಾಸವನ್ನು ಚತುರ್ಭುಜ್ ಸ್ತಾನ್ ಎಂದು ಬದಲಾಯಿಸಿದ್ದ.
ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಯುವಕನ್ನು ವಿಚಾರಣೆ ನಡೆಸಲಾಗುತ್ತಿದೆ. ತನಿಖೆ ನಡೆಯುತ್ತಿದ್ದು, ಆರೋಪಿ ವಿರುದ್ಧ ಸೂಕ್ತ ಕ್ರಮ ತೆಗೆದುಕೊಳ್ಳುವುದಾಗಿ ಯೂನಿವರ್ಸಿಟಿಯತ ರಿಜಿಸ್ಟ್ರಾರ್ ರಾಮ್ ಕೃಷ್ಣ ಠಾಕೂರ್ ಹೇಳಿದ್ದಾರೆ.
