ಕಾಸರಗೋಡು; ಸರೋವರ ಕ್ಷೇತ್ರ ಅನಂತಪುರದಲ್ಲಿ ಬಬಿಯಾ ಮೊಸಳೆ ಸಾವನ್ನಪ್ಪಿದ ಬಳಿಕ ಕೆಲವು ತಿಗಂಳ ಹಿಂದೆ ಮತ್ತೊಂದು ಮೊಸಳೆ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿತ್ತು. ಆದರೆ ಆ ಮೊಸಳೆ ಇದುವೆರಗೂ ಯಾರಿಗೂ ತನ್ನ ಸಂಪೂರ್ಣ ದರ್ಶನ ನೀಡಿರಲಿಲ್ಲ. ಆದರೆ ಮೊದಲ ಬಾರಿಗೆ ಶುಕ್ರವಾರ ಸಂಜೆ ಕ್ಷೇತ್ರ ಪ್ರಾಂಗಣ ಏರುವ ಮೂಲಕ ತನ್ನ ಪೂರ್ಣ ದರ್ಶನ ತೋರಿದೆ. ಈ ದೃಶ್ಯವನ್ನು ಅರ್ಚಕರು ಕಣ್ತುಂಬಿಕೊಂಡಿದ್ದಾರೆ.
ಸುಮಾರು 80 ವರ್ಷಗಳಿಂದ ಕ್ಷೇತ್ರದ ಕೊಳದಲ್ಲಿ ನೆಲೆಸಿದ್ದ ಮೊಸಳೆ ಬಬಿಯಾ 2022ರ ಅಕ್ಟೋಬರ್‌ 9ರಂದು ರಾತ್ರಿ ಮೃತಪಟ್ಟಿತ್ತಅದರ ಸಾವಿನ ಬಳಿಕ ಸರಿಯಾಗಿ 2 ವರ್ಷಗಳ ಬಳಿಕ ಇನ್ನೊಂದು ಮೊಸಳೆ ಮರಿ ಕೊಳದಲ್ಲಿ ಕಾಣಿಸಿಕೊಂಡಿತ್ತು. ಆದರೆ ಅದರ ಪೂರ್ಣ ರೂಪವನ್ನು ಕಂಡವರಿರಲಿಲ್ಲ.ಜೂ. 14ರಂದು ಗರ್ಭಗುಡಿಯ ಎದುರಿನ ಹಾಸು ಕಲ್ಲಿನ ಮೇಲೆ ವಿಶ್ರಾಂತಿ ಪಡೆಯುತ್ತಿತ್ತು. ಈ ಹೊತ್ತಿಗೆ ಕ್ಷೇತ್ರದ ನಡೆ ಮುಚ್ಚಿತ್ತು. ಸಂಜೆ ಆಗಮಿಸಿದ ಅರ್ಚಕರು ಇದನ್ನು ಗಮನಿಸಿ ಅಲ್ಲಿನ ದೃಶ್ಯವನ್ನು ಚಿತ್ರೀಕರಿಸಿಕೊಂಡು ಹಂಚಿಕೊಂಡಿದ್ದಾರೆ.
ಇದು ದೇವರ ಮೊಸಳೆ ಎಂದೇ ಖ್ಯಾತವಾಗಿದ್ದು, ಒಂದು ಮೊಸಳೆ ಇಲ್ಲವಾದಾಗ ಮತ್ತೊಂದು ಬರುತ್ತದೆ ಎಂಬುದು ಭಕ್ತರ ನಂಬಿಕೆ.
