ಆರೆಸ್ಸೆಸ್‌ನ ಮುಗಿಸುತ್ತೇನೆ ಅಂತ ಹೇಳಿದವರೆಲ್ಲಾ ಮುಗಿದು ಹೋಗಿದ್ದಾರೆ: ಸಿಟಿ ರವಿ

- Advertisement -

ಹಾಸನ: ಆರೆಸ್ಸೆಸ್ಸನ್ನು ಮುಗಿಸುತ್ತೇನೆ ಎಂದು ಹೇಳಿದವರು ಮುಗಿದು ಹೋಗಿದ್ದಾರೆ ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ ರವಿ ಹೇಳಿದ್ದಾರೆ.

ಹಾಸನದಲ್ಲಿ ಮಾತನಾಡಿದ ಅವರು, ಆರೆಸ್ಸೆಸ್‌ ದೇಶಭಕ್ತ ಸಂಘಟನೆ. ಜನರ ನೆರವಿಗೆ ಮೊದಲು ಧಾವಿಸುವುದು ಆರೆಸ್ಸೆಸ್‌. ಆರೆಸ್ಸೆಸ್‌ ಏನು ಅನ್ನುವುದು ದೇಶಭಕ್ತಿಯ ಮೂಲಕ ಸಾಬೀತು ಪಡಿಸಿದೆ. ಅದಕ್ಕೆ ಸಿದ್ದರಾಮಯ್ಯನವರ ಸರ್ಟಿಫಿಕೇಟ್‌ ಬೇಕಿಲ್ಲ. ಆರೆಸ್ಸೆಸ್ಸನ್ನು ಮುಗಿಸ್ತೇನೆ ಎಂದು ಹೇಳಿದವರು ಮುಗಿದು ಹೋಗಿದ್ದಾರೆ ಎಂದರು.

ಈ ದೇಶದ ರಾಷ್ಟ್ರಪತಿ, ಪ್ರಧಾನಿ ನರೇಂದ್ರ ಮೋದಿ ಎಲ್ಲರೂ ಆರೆಸ್ಸೆಸ್‌ನವರೇ ಎಂದು ಹೇಳೋದಾದ್ರೆ. ನಿಮಗೂ ಟಿಪ್ಪುಗೆ, ಮೊಘಲರಿಗೆ ಏನು ಸಂಬಂಧ? ಇದೆ ಎಂದು ಹೇಳಿ. ಆರೆಸ್ಸೆಸ್‌ ಹುಟ್ಟಿದ್ದು ನಾಗಪುರದಲ್ಲಿ. ಆದರೆ ಕಾಂಗ್ರೆಸ್‌ ಸಂಸ್ಥಾಪಕ ಎ.ಒ ಹ್ಯೂಮ್‌ ಯಾರು? ಎಂದು ಪ್ರಶ್ನೆ ಮಾಡಿದರು.