ಮಣಿಪಾಲ: ಆಸ್ತಿ ವಿವಾದಕ್ಕೆ ಯೋಧನ ಪತ್ನಿ ಮೇಲೆ ಹಲ್ಲೆ !

ಮಣಿಪಾಲ: ಇಲ್ಲಿ ಭಾರತೀಯ ಸೇನಾ ಯೋಧನ ಪತ್ನಿಯ ಮೇಲೆ ಆಕೆಯ ಚಿಕ್ಕಪ್ಪ ಕುಡುಗೋಲಿನಿಂದ ಹಲ್ಲೆ ನಡೆಸಿದ್ದಾರೆ. ಪರ್ಕಳ ಹೆರ್ಗೆ ನಿವಾಸಿ ಯಮನೂರಿನ ಪತ್ನಿ ದೀಪಾ ನಾಯ್ಕ ಗಾಯಗೊಂಡವರು.

ಆರೋಪಿಯನ್ನು ಆಕೆಯ ಚಿಕ್ಕಪ್ಪ ಜಗದೀಶ್ ನಾಯ್ಕ ಎಂದು ಗುರುತಿಸಲಾಗಿದೆ. ಪಿರ್ಯಾದಿದಾರರು ತಮ್ಮ ನೆರೆಹೊರೆಯವರ ಜಮೀನಿನ ಸರ್ವೆ ನೋಡುತ್ತಿದ್ದಾಗ ಜಗದೀಶ್ ಎಂಬುವರು ಕುಡುಗೋಲಿನಿಂದ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಲಾಗಿದೆ.

ತಮ್ಮ ನಡುವೆ ಆಸ್ತಿ ವಿವಾದದ ಹಿನ್ನೆಲೆಯಲ್ಲಿ ಆರೋಪಿಗಳು ದೀಪಾ ಅವರನ್ನು ಕೊಲೆ ಮಾಡುವ ಉದ್ದೇಶದಿಂದ ಹಲ್ಲೆ ನಡೆಸಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.

ತಲೆಗೆ ಸೇರಿದಂತೆ ಗಾಯಗೊಂಡಿದ್ದ ಆಕೆಯನ್ನು ಉಡುಪಿ ಅಜ್ಜರಕಾಡು ಆಸ್ಪತ್ರೆಗೆ ದಾಖಲಿಸಲಾಗಿದೆ. ತನ್ನ ಚಿಕ್ಕಪ್ಪನಿಂದ ಜೀವ ಬೆದರಿಕೆ ಇದೆ ಎಂದು ಆರೋಪಿಸಿ ದೀಪಾ ಪೊಲೀಸ್ ರಕ್ಷಣೆ ಕೋರಿದ್ದಾಳೆ.

ಮಣಿಪಾಲ ಪೊಲೀಸರು ಜಗದೀಶ್ ನಾಯ್ಕ್ ವಿರುದ್ಧ ಐಪಿಸಿ ಸೆಕ್ಷನ್ 354, 504 ಮತ್ತು 307 ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.