ಜೋಹಾನ್ಸ್ ಬರ್ಗ್: ಕೊರೋನಾ ಭಾರತಕ್ಕೆ ಕಾಲಿಟ್ಟು ಒಂದು ವರ್ಷವೇ ಆಗುತ್ತಾ ಬಂದರೂ ಅದರ ತಾಂಡವ ಕಡಿಮೆ ಆಗದೇ ಇರುವುದರಿಂದ ಈಗಲೂ ಜಗತ್ತಿನೆಲ್ಲೆಡೆ ಮಾಸ್ಕ್ ಧರಿಸುವುದು ಕಡ್ಡಾಯವಾಗಿದೆ. ಆದರೆ, ಬಹುತೇಕರಿಗೆ ಮನೆಯಿಂದ ಹೊರ ಹೋಗುವಾಗ ಮಾಸ್ಕ್ ಧರಿಸೋದು ಮರೆತೇ ಹೋಗುತ್ತದೆ.
ಇದೆ ರೀತಿ ದಕ್ಷಿಣ ಆಫ್ರಿಕಾ ಮೂಲದ ಯುವತಿಯೋರ್ವಳು ಸೂಪರ್ ಮಾರ್ಕೆಟ್ಗೆ ಮಾಸ್ಕ್ ಮರೆತು ತೆರಳಿದ್ದಳು. ಆದರೆ, ಸೂಪರ್ ಮಾರ್ಕೆಟ್ನ ಮಾಲೀಕ ಮಾಸ್ಕ್ ಧರಿಸದಿದ್ದರೆ ನಾವು ಇಲ್ಲಿ ಖರೀದಿ ಮಾಡಲು ಅವಕಾಶ ನೀಡುವುದಿಲ್ಲ ಎಂದು ಹೇಳಿದ್ದ. ಆಕೆ, ಅವಕಾಶ ನೀಡುವಂತೆ ಮನವಿ ಮಾಡಿದ್ದಳು. ಆದರೆ, ಅದು ಸಾಧ್ಯವೇ ಇಲ್ಲ ಎಂದು ಮಾಲೀಕ ಕಠುವಾಗಿ ಹೇಳಿದ್ದ. ಅಲ್ಲದೆ, ಮಾಸ್ಕ್ ಧರಿಸದಿದ್ದರೆ ಶಾಪ್ನಿಂದ ಹೊರಗೆ ಹಾಕುತ್ತೇವೆ ಎಂದು ಧಮ್ಕಿ ಕೂಡ ಹಾಕಿದ್ದ. ಇದರಿಂದ ಅವಮಾನಕ್ಕೆ ಒಳಗಾದ ಮಹಿಳೆ ತಡ ಮಾಡಲಿಲ್ಲ. ಎಲ್ಲರ ಎದುರೇ ತಾನು ಧರಿಸಿದ್ದ ಒಳ ಉಡುಪನ್ನ ಕಳಚಿ ಮುಖಕ್ಕೆ ಹಾಕಿಕೊಂಡಿರುವ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಈ ವಿಡಿಯೋ ನೋಡಿದ ಅನೇಕರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಟ್ವಿಟ್ಟರ್ನಲ್ಲಿ ಈ ವಿಡಿಯೋ ಬರೋಬ್ಬರಿ 2.2 ಲಕ್ಷ ಬಾರಿ ವೀಕ್ಷಣೆ ಕಂಡಿದೆ. ಒಳ ಉಡುಪನ್ನು ತೆಗೆದು ಮಾಸ್ಕ್ ಮಾಡಿಕೊಂಡಿದ್ದು ಇದೇ ಮೊದಲೇನಲ್ಲ. ಕಳೆದ ಮೇ ತಿಂಗಳಲ್ಲಿ ಮಹಿಳೆಯೊಬ್ಬಳು ಉಕ್ರೇನ್ನಲ್ಲಿ ತನ್ನ ಅಂಡರ್ವೇರ್ ತೆಗೆದು ಮಾಸ್ಕ್ ಮಾಡಿಕೊಂಡಿದ್ದ ವಿಡಿಯೋ ಭಾರೀ ವೈರಲ್ ಆಗಿತ್ತು.