Wednesday, December 7, 2022
Homeಕರಾವಳಿಮಗುವನ್ನು ದೂರವಿರಿಸಿ ಸೆಲ್ಫ್​​ ಕ್ವಾರಂಟೈನ್​ ಆದ ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್​​!

ಮಗುವನ್ನು ದೂರವಿರಿಸಿ ಸೆಲ್ಫ್​​ ಕ್ವಾರಂಟೈನ್​ ಆದ ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್​​!

- Advertisement -
- Advertisement -

ಮಂಗಳೂರು: ಜಿಲ್ಲಾಧಿಕಾರಿಯಾದರೂ ಓರ್ವ ತಾಯಿಯಾಗಿ ನಿತ್ಯವೂ ಮಗುವಿಗೆ ಒಂದಿಷ್ಟು ಸಮಯ ಮೀಸಲಿರಿಸಿ ಲಾಲನೆ-ಪಾಲನೆ ಮಾಡುತ್ತಿದ್ದವರು ಇಂದು ಸ್ವತಃ ಕ್ವಾರೆಂಟೈನ್​​ಗೆ ಒಳಗಾಗಿ ಮಗುವಿನಿಂದ ದೂರ ಉಳಿದಿದ್ದಾರೆ ಡಿಸಿ ಸಿಂಧೂ ಬಿ. ರೂಪೇಶ್.
ಹೌದು, ಡಿಸಿ ಬಂಗಲೆಯಲ್ಲಿಯೇ ಇರುವ ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್, ತಮ್ಮ ಮಗುವಿನಿಂದ 21 ದಿನಗಳ ಕಾಲ ಅಂತರ ಕಾಯ್ದುಕೊಳ್ಳುತ್ತಿದ್ದಾರೆ‌. ಡಿಸಿ ಅವರ ತಂದೆ-ತಾಯಿಯ ಸುಪರ್ದಿಗೆ ಬಿಟ್ಟಿರುವ ಮಗುವನ್ನು ಕ್ವಾರೆಂಟೈನ್​​ಗೊಳಗಾದ ಬಳಿಕ ಎಂತಹ ಸಂದರ್ಭದಲ್ಲಿಯೂ ಹತ್ತಿರಕ್ಕೆ ಸೇರಿಸಿಕೊಂಡಿಲ್ಲ. ಮಗು ರೆಚ್ಚೆ ಹಿಡಿದರೂ, ಅತ್ತು ರಂಪಾಟ ಮಾಡಿದರೂ ಡಿಸಿ ಮಗುವಿನ ಹಿತದೃಷ್ಟಿಯಿಂದ ಯಾವುದೇ ಕಾರಣಕ್ಕೂ ಹತ್ತಿರಕ್ಕೆ ಸೇರಿಸದೆ ಮಗುವನ್ನು ಸಮಾಧಾನ ಪಡಿಸುತ್ತಿದ್ದರಂತೆ.
ಜಿಲ್ಲಾಧಿಕಾರಿಯಾಗಿ ಎಲ್ಲಾ ಕಡೆಗಳಲ್ಲಿ ಓಡಾಟ ನಡೆಸಬೇಕಾಗುತ್ತದೆ‌. ಈ ಸಂದರ್ಭ ಸೋಂಕು ತಗುಲುವ ಭಯ ಇರೋದರಿಂದ ಈ ರೀತಿಯಲ್ಲಿ ಮುಂಜಾಗ್ರತೆ ಮಾಡಿಕೊಂಡಿದ್ದಾರೆ‌. ಇದೀಗ ಲಾಕ್​ಡೌನ್ ಅವಧಿ ಇನ್ನಷ್ಟು ವಿಸ್ತರಣೆಯಾದ ಕಾರಣ ಮಗುವನ್ನು ಶನಿವಾರ ಬೆಂಗಳೂರಿಗೆ ತಮ್ಮ ಪತಿ ಇರುವಲ್ಲಿಗೆ ಕಳುಹಿಸಿಕೊಟ್ಟಿದ್ದಾರಂತೆ‌. ಒಟ್ಟಿನಲ್ಲಿ ಈ ರೀತಿಯ ನಿರ್ಧಾರದ ಮೂಲಕ ದ.ಕ ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್ ಎಲ್ಲರಿಗೂ ಮಾದರಿಯಾಗಿದ್ದಾರೆ.

- Advertisement -
spot_img

Latest News

error: Content is protected !!