ಮುಂಬೈ: ಮದುವೆ ವಿಚಾರದಲ್ಲಿ ಬಾಲಿವುಡ್ ನಟಿ ಕಾಂಟ್ರವರ್ಸಿ ರಾಣಿ ರಾಖಿ ಸಾವಂತ್ ಮಾಡಿಕೊಂಡಿರುವ ಯಡವಟ್ಟು ಒಂದೆರಡಲ್ಲ. ಇದೀಗ ತನ್ನ ಬಾಯ್ ಫ್ರೆಂಡ್ ಬಗ್ಗೆ ರಾಖಿ ಹೊಸ ಬಾಂಬ್ ಸಿಡಿಸಿದ್ದಾರೆ.
ಇತ್ತೀಚೆಗಷ್ಟೇ ಪತಿಯಿಂದ ದೂರವಾಗಿದ್ದೇನೆ ಎಂದು ಹೇಳಿಕೆ ನೀಡಿದ್ದ ಬಾಲಿವುಡ್ ನಟಿ ರಾಖಿ ಸಾವಂತ್ ಈಗ ತನ್ನ ಹೊಸ ಬಾಯ್ಫ್ರೆಂಡನ್ನು ಪರಿಚಯಿಸಿದ್ದಾರೆ.ತನ್ನ ಬಾಯ್ಫ್ರೆಂಡ್ ಮೈಸೂರಿನವನೆಂದು ಸ್ವತಃ ರಾಖಿಯೇ ಇಬ್ಬರು ಫೋಟೋ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳನ್ನು ಪರಿಚಯಿಸಿದ್ದಾರೆ. ಆತನ ಹೆಸರು ಆದಿಲ್ ಎಂದು ರಾಖಿ ಹೇಳಿದ್ದಾರೆ.
ಇನ್ನು ಹೊಸ ಬಾಯ್ ಫ್ರೆಂಡ್ ಹುಡುಕಿಕೊಂಡಿರುವ ರಾಖಿ, ಆತನಿಂದ ದುಬಾರಿ ಬೆಲೆಯ ಬಿಎಂಡಬ್ಲ್ಯೂ ಕಾರು ಉಡುಗೊರೆಯಾಗಿ ಪಡೆದಿದ್ದು, ಆತ ನನ್ನ ಜೀವನದ ಕೊನೆವರೆಗೂ ಜೊತೆಯಲ್ಲಿರುತ್ತೇನೆ ಎಂದು ಹೇಳಿದ್ದಾನೆ. ಹಾಗಾಗಿ ನಾನು ಉಡುಗೊರೆ ಪಡೆದಿದ್ದೇನೆ ಎಂದು ರಾಖಿ ಹೇಳಿಕೊಂಡಿದ್ದಾರೆ. ರಾಖಿಗೆ ಮದುವೆ, ಬಾಯ್ಫ್ರೆಂಡ್ ವಿಚಾರಗಳೇನೂ ಹೊಸತೇನಲ್ಲ. ಇದು ಎಷ್ಟು ದಿನ ಸಾಗುತ್ತೆ ಅನ್ನೋದು ನೋಡಬೇಕೆಂದು ಕಾದುನೋಡಬೇಕಿದೆ.