ಕಳೆದ ಅಕ್ಟೋಬರ್‌ನಲ್ಲಿ ಮಂಗಳೂರಿಗೆ ರಾಷ್ಟ್ರಪತಿ ಭೇಟಿ – ಇನ್ನೂ ಪಾವತಿಯಾಗದ ಹೋಟೆಲ್ ಬಿಲ್ !

- Advertisement -

ಮಂಗಳೂರು: ಭಾರತದ ರಾಷ್ಟ್ರಪತಿ ರಾಮ್ ನಾಥ್ ಕೋವಿಂದ್ ಅವರು ಅಕ್ಟೋಬರ್ 7, 2021 ರಂದು ಶೃಂಗೇರಿಗೆ ಭೇಟಿ ನೀಡುವ ಸಲುವಾಗಿ ನಗರಕ್ಕೆ ಬಂದಿದ್ದರು.

ಇಲ್ಲಿನ ಸರ್ಕ್ಯೂಟ್ ಹೌಸ್ ನಲ್ಲಿರುವ ಎಲ್ಲ ಕೊಠಡಿಗಳ ಜೊತೆಗೆ ರಾಷ್ಟ್ರಪತಿ ಕುಟುಂಬ ಹಾಗೂ ಹಿರಿಯ ಅಧಿಕಾರಿಗಳ ವಾಸ್ತವ್ಯಕ್ಕೆ ನಗರದ ಸ್ಟಾರ್ ಹೋಟೆಲ್ ನಲ್ಲಿ 49 ಕೊಠಡಿಗಳನ್ನು ಕಾಯ್ದಿರಿಸಲಾಗಿತ್ತು.

ರಾಷ್ಟ್ರಪತಿಗಳ ಹೋಟೆಲ್ ಬಿಲ್ ಬರೋಬ್ಬರಿ 9.61 ಲಕ್ಷ ರೂ. ಆಗಿದೆ. ಭೇಟಿಯ ವೇಳೆ ಹೋಟೆಲ್‌ನಲ್ಲಿರುವ ಐದು ಕೊಠಡಿಗಳನ್ನು ರಾಷ್ಟ್ರಪತಿ ಕಚೇರಿಯಾಗಿ ಪರಿವರ್ತಿಸಲಾಗಿತ್ತು.

ಸರ್ಕ್ಯೂಟ್ ಹೌಸ್‌ನಲ್ಲಿ ಅಧ್ಯಕ್ಷರ ತಾತ್ಕಾಲಿಕ ಕಚೇರಿಯನ್ನು ಸ್ಥಾಪಿಸಲು ಒಂದು ಲಕ್ಷ ರೂಪಾಯಿ ಖರ್ಚು ಮಾಡಲಾಗಿದೆ. ಭೇಟಿಯ ಐದು ತಿಂಗಳ ನಂತರವೂ ತಂಡಕ್ಕೆ ನೀಡಲಾದ ಆತಿಥ್ಯ ಮತ್ತು ಆಹಾರದ ಬಿಲ್ ಹೋಟೆಲ್ ಗೆ ಪಾವತಿಸಿಲ್ಲ ಎಂದು ತಿಳಿದುಬಂದಿದೆ. ಈ ಮಾಹಿತಿಯನ್ನು ‘ಮಾಹಿತಿ ಹಕ್ಕು ಕಾಯ್ದೆ’ಯ ಮೂಲಕ ಸಂಗ್ರಹಿಸಲಾಗಿದೆ.