ಮುಂಬೈ: ಎರಡು ತಿಂಗಳ ಹಿಂದಷ್ಟೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಗಾಯಕಿ ನೇಹಾ ಕಕ್ಕರ್ ತಾಯಿಯಾಗುತ್ತಿದ್ದಾರೆ ಅನ್ನೋ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ನಿನ್ನೆಯಿಂದ ಹರಿದಾಡುತ್ತಿದೆ. ಅಲ್ಲದೇ ಎರಡೇ ತಿಂಗಳಲ್ಲಿ ಅವರು ಹೇಗೆ ತಾಯಿಯಾದ್ರು ಅನ್ನೋ ಬಗ್ಗೆ ಹತ್ತಾರು ಪ್ರಶ್ನೆಗಳು ಹರಿದಾಡುತ್ತಿದ್ದವು. ಇದೀಗ ಆ ಪ್ರಶ್ನೆಗೆ ನೇಹಾ ಕಕ್ಕರ್ ಅವರೇ ಉತ್ತರ ಕೊಟ್ಟಿದ್ದಾರೆ.
ಅಂದ್ಹಾಗೆ ನೇಹಾ ತಾಯಿಯಾಗುತ್ತಿಲ್ಲವಂತೆ. ಅವರ ಹೊಸ ಆಲ್ಬಂ ಸಾಂಗ್ಗಾಗಿ ಅವರು ಈ ಅವತಾರ ತೊಟ್ಟಿದ್ದಾರೆ ಅಷ್ಟೇ. ನೇಹಾ ಅವರ ಹೊಸ ಆಲ್ಬಂ ಸಾಂಗ್ ‘ಕಯಾಲ್ ರಕ್ಯಾ ಕರ್’ ಡಿಸೆಂಬರ್ 22ರಂದು ಬಿಡುಗಡೆಯಾಗಲಿದೆ. ಅದರಲ್ಲಿ ನೇಹಾ ಜತೆ ಆಕೆಯ ಪತಿ ರೋಹನ್ ಪ್ರೀತ್ ಸಿಂಗ್ ಕೂಡ ಕಾಣಿಸಿಕೊಂಡಿದ್ದಾರೆ. ಆ ಹಾಡಿನಲ್ಲಿ ಗಾಯಕಿ ಗರ್ಭವತಿ ಆಗಿರುವ ಸಾಧ್ಯತೆಯಿದೆ. ಅದೇ ಕಾರಣಕ್ಕೆ ಈ ರೀತಿಯದ್ದೊಂದು ಫೋಟೋ ತೆಗೆಸಿಕೊಂಡಿದ್ದಾರೆ. ಗುರುವಾರ ಶೇರ್ ಮಾಡಿದ್ದ ಫೋಟೋವೇ ಆಲ್ಬಂ ಸಾಂಗ್ನ ಪೋಸ್ಟರ್ನಲ್ಲೂ ಇದೆ. ಹಾಗಾಗಿ ಇದು ಪೋಸ್ಟರ್ಗಾಗಿಯೇ ತೆಗೆದ ಚಿತ್ರ ಎಂದು ಸ್ಪಷ್ಟವಾಗಿದೆ.
ಒಟ್ಟಿನಲ್ಲಿ ನೇಹಾ ಪ್ರೆಗ್ನಿನ್ಸಿ ಬಗ್ಗೆ ಹರಿದಾಡುತ್ತಿದ್ದ ಹತ್ತಾರು ಅನುಮಾನ ಹಾಗೇ ಟ್ರೋಲ್ ಗಳಿಗೆ ಸ್ವತಃ ಅವರೇ ಬ್ರೇಕ್ ಹಾಕಿದ್ದಾರೆ.
