ಬಂಟ್ವಾಳ : ಹಣ ದ್ವಿಗುಣ ಮಾಡುವುದಾಗಿ ಮೋಸ ಮಾಡಿದ ಪ್ರಕರಣoದಿಂದ ನೊಂದ ಮಹಿಳೆ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ವೀಟಾ ಮರೀನಾ ಡಿಸೋಜಾ(32) ಮೃತ ಮಹಿಳೆ
ಪುಂಜಾಲಕಟ್ಟೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿ ವೀಟಾ ನಿನ್ನೆ ಸಂಜೆ ಮನೆಗೆ ಹೋಗಿ ನಂತರ ಗಂಡ ಚರ್ಚ್ ಗೆ ಹೋದ ಬಳಿಕ ಸ್ಕೂಟರ್ ನಲ್ಲಿ ನೇರ ಸಿದ್ದಕಟ್ಟೆ ಮುಚ್ಚಮೋಗ್ರು ಬ್ರೀಜ್ಡ್ ಬಳಿ ಹೋಗಿ ಅಲ್ಲಿ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಬಗ್ಗೆ ಬಂಟ್ವಾಳ ಗ್ರಾಮಾಂತರ ಠಾಣೆಯಲ್ಲಿ ಆತ್ಮಹತ್ಯೆ ಪ್ರಕರಣ ದಾಖಲಾಗಿದೆ.
ಏನಿದು ಪ್ರಕರಣ?
ಬಂಟ್ವಾಳ ತಾಲೂಕಿನ ಕುಕ್ಕಿಪ್ಪಾಡಿ ಗ್ರಾಮದ ಈರೋಡಿ ಎಂಬಲ್ಲಿಯ ಜೋನ್ ಸಂತೋಷ್ ಡಿಸೋಜಾ ಎಂಬವರ ಪತ್ನಿಯಾದ ವೀಟಾ ಮರೀನಾ ಡಿಸೋಜಾ ಎಂಬವರು ಡಿ.8 ರಂದು ಬೆಳಿಗ್ಗೆ 11:40 ಸುಮಾರಿಗೆ ವೀಟಾ ಮರೀನಾ ಡಿಸೋಜಾ ಎಂಬವರ ವಾಟ್ಸ್‌ಅಪ್‌ ಗೆ ಮೊಬೈಲ್‌ ಸಂಖ್ಯೆ 9044759336 ನಿಂದ ಯಾರೋ ಅಪರಿಚಿತ ವ್ಯಕ್ತಿ ನಿಮ್ಮ ಹಣವನ್ನು ದ್ವಿಗುಣ ಮಾಡಿಕೊಡುವುದಾಗಿ ತಿಳಿಸಿ ಅದಕ್ಕಾಗಿ ಟಲಿಗ್ರಾಂ ಆಪ್‌ ಡೌನ್‌ಲೋಡ್‌ ಮಾಡುವಂತೆ ತಿಳಿಸಿ ಲಿಂಕ್‌ ಇರುವ ಮೆಸೇಜ್‌ ಒಂದನ್ನು ಕಳುಹಿಸಿಕೊಟ್ಟಿದ್ದಾರೆ. ವೀಟಾ ಮರೀನಾ ಡಿಸೋಜಾ ಟೆಲಿಗ್ರಾಂ ಆಪ್‌ ಡೌನ್‌ಲೋಡ್‌ ಮಾಡಿ ಅವರು ಕೊಟ್ಟಂತಹ ಲಿಂಕ್‌ ಮುಖೇನ ಅವರೊಂದಿಗೆ ವ್ಯವಹರಿಸಿದಾಗ ಡಿ.8 ರಿಂದ ಡಿ.11 ರವರೆಗೆ ವೀಟಾ ಮರೀನಾ ಡಿಸೋಜಾ ಕರ್ನಾಟಕ ಬ್ಯಾಂಕ್‌ ಖಾತೆ ನಂಬರ್ 4742500101612801 ಗೆ ಹಂತ ಹಂತವಾಗಿ ಒಟ್ಟು 10,403/- ರೂಪಾಯಿ ಹಣವನ್ಜು ಹಾಕಿದ್ದು, ಇದರಿಂದ ವೀಟಾ ಮರೀನಾ ಡಿಸೋಜಾಗೆ ಅಪರಿಚಿತ ವ್ಯಕ್ತಿಯ ಮೇಲೆ ನಂಬಿಕೆ ಬಂದು ಅವರು ಹೇಳಿದಂತೆ ಹಣ ದ್ವಿಗುಣ ಮಾಡುವ ಬಗ್ಗೆ ಡಿ.12 ರಂದು ಅವರು ನೀಡಿದಂತಹ UPI transaction ID ನಂಬ್ರ 334651862892 ಗೆ ರೂಪಾಯಿ 50,000/-, ಡಿ. 13 ರಂದು UPI transaction ID 334711784526 ನೇದಕ್ಕೆ ರೂ 30,000/-, ಹಾಗೂ ಅದೇ ದಿನ UPI transaction ID 371321985478 ಗೆ 27,100/- ಹಣ ಹಾಕಿದ್ದು ಬಳಿಕ ವೀಟಾ ಮರೀನಾ ಡಿಸೋಜಾ ತಾನು ಹಾಕಿದ ಹಣವನ್ನು ದ್ವಿಗುಣ ಮಾಡಿಕೊಡುವಂತೆ ಕೇಳಿಕೊಂಡಾಗ ಅಪರಿಚಿತ ಆರೋಪಿಗಳು ಇನ್ನೂ ಇದೇ ರೀತಿ ಮೂರು ಟಾಸ್ಕ್‌ ನಿಂದ ಹಣ ಬರಲು ಬಾಕಿ ಇದೆ ಅದರ ನಂತರ ನಿಮಗೆ ಹಣ ಹಾಕುವುದಾಗಿ ತಿಳಿಸಿರುತ್ತಾರೆ. ನಂತರ ಡಿ.14 ರಂದು ಕೂಡಾ ವೀಟಾ ಮರೀನಾ ಡಿಸೋಜಾ ಹಣದ ಬಗ್ಗೆ ವಿಚಾರಿಸಿದಾಗ ಆರೋಪಿಗಳು ನೀವು ಹಾಕಿದ ಹಣದ ಮೊತ್ತ ಕಡಿಮೆ ಇದ್ದು, ಹೆಚ್ಚಿನ ಮೊತ್ತದ ಹಣ ಹಾಕುವಂತೆ ತಿಳಿಸಿದಾಗ ವೀಟಾ ಮರೀನಾ ಡಿಸೋಜಾ ತನ್ನ ಚಿನ್ನದ ಒಡವೆಗಳನ್ನು ಅಡವಿರಿಸಿ ವಾಮದಪದವು ವಿಜಯ ಕೆಡಿಟ್‌ ಕೋ-ಅಪರೇಟಿವ್‌ ಸೊಸೈಟಿ ಬ್ಯಾಂಕಿನಿಂದಾಗಿ ಕೆನರಾ ಬ್ಯಾಂಕ್‌ ಮೂಲಕ ಆರೋಪಿಗಳ MAHALAXMI CONSULTANCY ಎಂಬ ಹೆಸರಿನ ಅಕೌಂಟ್‌ ನಂಬರ್ 4609002100020213 ಗೆ ರೂ 3,00,000/- ಹಾಕಿದ್ದು, ಈ ಸಮಯ ಆರೋಪಿಗಳು ನಿಮ್ಮ ಟಾಸ್ಕ್‌ ಇವೆಂಟ್‌ ಮುಗಿಯಲಿಲ್ಲ. ನೀವು ಮತ್ತೆ ದೊಡ್ಡ ಮೊತ್ತದ ಹಣ ಹಾಕಬೇಕು ನೀವು ಹಾಕಿದ ಎಲ್ಲಾ ಹಣ ಒಟ್ಟಾಗಿ ದ್ವಿಗುಣವಾಗಿ ನಿಮಗೆ ಸಿಗಲಿದೆ ಎಂದು ತಿಳಿಸಿ ವೀಟಾ ಮರೀನಾ ಡಿಸೋಜಾ ನಂಬಿಸಿದ್ದು ನಂತರ ತನ್ನ ಗಂಡನ, ಅಕ್ಕನ ಮತ್ತು ಗೆಳತಿಯ ಒಡವೆಗಳನ್ನು ಅವರಿಗೆ ವಿಚಾರ ತಿಳಿಸದೆ ಅಡವಿಟ್ಟು ಡಿ.15 ರಂದು ವಾಮದಪದವು ಬ್ಯಾಂಕಿನಿಂದ SAHANI PROPERTY DEALER ಎಂಬ ಹೆಸರಿನ ಅಕೌಂಟು ಸಂಖ್ಯೆಯಾದ 333905001619 ಗೆ 5,72,000/(ಐದು ಲಕ್ಷದ ಎಪ್ಪತ್ತೆರಡು ಸಾವಿರ) ಹಣ ಹಾಗೂ ಡಿ.19 ರಂದು ವಾಮದಪದವು ಬ್ಯಾಂಕಿನಿಂದ ATIK HAJIBHAI AGWAN ಎಂಬ ಹೆಸರಿನ ಅಕೌಂಟು ನಂಬರ್ 2211214242897691 ಗೆ 4,00,000/-ರೂ ಹಣ ಹಾಗೂ ಡಿ.20ರಂದು ವಾಮದಪದವು ಬ್ಯಾಂಕಿನಿಂದ COUNTRY CARGO PACKERS AND MOV ಎಂಬ ಹೆಸರಿನ ಅಕೌಂಟು ನಂಬರ್ 002105027715 ಗೆ 2.00,000/-ರೂಪಾಯಿ ಹಣ ಹಾಗೂ ಡಿ.22 ರಂದು PANDA ASHOK KUMAR DORA ನೇದರ ಅಕೌಂಟು ಸಂಖ್ಯೆ 438001502322 ಗೆ 4,50,000/-ರೂಪಾಯಿ ಹಣ ಹಾಕಿದರೂ ಹಣ ದ್ವಿಗುಣ ಮಾಡಿಕೊಡುವ ಬಗ್ಗೆ ಯಾವುದೇ ಮಾಹಿತಿ ಇಲ್ಲದನ್ನು ಗಮನಿಸಿ ಮೋಸ ಹೋದ ವಿಚಾರವನ್ನು ತನ್ನ ಗಂಡನಿಗೆ ತಿಳಿಸಿ ಬಳಿಕ ಡಿ.23 ರಂದು ಪುಂಜಾಲಕಟ್ಟೆ ಠಾಣೆಗೆ ಮೋಸ ಹೋದ ವೀಟಾ ಮರೀನಾ ಡಿಸೋಜಾ ಖಾತೆಯಿಂದ ವಿವಿಧ ಹಣಗಳಲ್ಲಿ ಒಟ್ಟು 20,29,100 ಲಕ್ಷ ರೂಪಾಯಿ ವಂಚನೆಯಾಗಿರುವ ಬಗ್ಗೆ ದೂರು ನೀಡಿದ್ದಾರೆ. ಪುಂಜಾಲಕಟ್ಟೆ ಪೊಲೀಸರು ಕಲಂ 66(C), 66(D), 417,420 IPC ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.ಇದೀಗ ಮೋಸ ಹೋದ ಮಹಿಳೆ ಆತ್ಮಹತ್ಯೆಗೆ ಶರಣಾಗಿದ್ದಾರೆ.
