ಮಂಗಳೂರು: ಹುಸಿ ಜಾತ್ಯತೀತತೆಯ ನೆಪದಲ್ಲಿ ಹಸುವಿನ ಬದಲು ಹುಲಿಯನ್ನು ದೇಶದ ರಾಷ್ಟ್ರೀಯ ಪ್ರಾಣಿ ಎಂದು ಘೋಷಿಸಲಾಗಿದೆ.ಇದರಿಂದಾಗಿಯೇ ನಿರಂತರ ಹಿಂಸಾಚಾರ, ಮತಾಂತರ ನಡೆಯುತ್ತಿದೆ ಎಂದು ಆರ್‌ಎಸ್‌ಎಸ್‌ ಮುಖಂಡ ಹಾಗೂ ಪುತ್ತೂರು ವಿವೇಕಾನಂದ ವಿದ್ಯಾವರ್ಧಕ ಸಂಘದ ಅಧ್ಯಕ್ಷ ಡಾ. ಕಲ್ಲಡ್ಕ ಪ್ರಭಾಕರ ಭಟ್.
ಕೈರಂಗಳದ ಪುಣ್ಯಕೋಟಿನಗರದಲ್ಲಿ ಅಮೃತದಾರ ಗೌಶಾಲೆಯ ವಾರ್ಷಿಕೋತ್ಸವ ಹಾಗೂ ನೂತನ ಗೌಶಾಲೆಗೆ ಶಂಕುಸ್ಥಾಪನೆ ನೆರವೇರಿಸಿ ಅವರು ಮಾತನಾಡಿದರು.
ಹುಲಿ ರಾಷ್ಟ್ರೀಯ ಪ್ರಾಣಿಯಾಗಿದ್ದರೂ ಅದನ್ನು ಪೂಜಿಸಲು ಸಾಧ್ಯವಿಲ್ಲ, ಗೋವಿಗೆ ಮಾತ್ರ ಮಾತೃಭಕ್ತಿ ತೋರಲು ಸಾಧ್ಯ ಎಂದು ಭಟ್ ಅಭಿಪ್ರಾಯಪಟ್ಟರು.
“ಹುಲಿಯನ್ನು ಜಾತ್ಯತೀತ ಚಿಂತನೆಯಿಂದ ಮಾತ್ರ ನಮ್ಮ ರಾಷ್ಟ್ರೀಯ ಪ್ರಾಣಿ ಎಂದು ಘೋಷಿಸಲಾಗಿದೆ ಆದರೆ ಕಳೆದ ಹಲವಾರು ವರ್ಷಗಳಿಂದ ಅದನ್ನು ರಾಷ್ಟ್ರೀಯ ಪ್ರಾಣಿ ಎಂದು ಪೂಜಿಸಲಾಗುತ್ತಿದೆ. ಆದರೆ ಇಂದು ನಾವು ಮಹಾಭಾರತದ ಕಾಲದ ರಾಕ್ಷಸ ಬಕಾಸುರನಂತೆ ಗೋಹತ್ಯೆ ಮಾಡುವವರಿಗೆ ಗೋವುಗಳನ್ನು ನೀಡುತ್ತಿದ್ದೇವೆ” ಭಟ್ ವ್ಯಕ್ತಪಡಿಸಿದ್ದಾರೆ.
“ಈಗಿನ ಬಿಕ್ಕಟ್ಟಿನಿಂದ ಪಾಠ ಕಲಿತ ನಂತರ ಗೋವುಗಳ ರಕ್ಷಣೆಗಾಗಿ ನಾವು ಬಲಿಷ್ಠ ಹಿಂದೂ ಸಮಾಜವನ್ನು ನಿರ್ಮಿಸಬೇಕು. ಭಾರತೀಯ ಗೋವಿನ ಹಾಲು ತುಂಬಾ ಪೌಷ್ಟಿಕವಾಗಿದೆ” ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಅಮೃತಧಾರ ಗೌಶಾಲ ಅವರ ಕಾರ್ಯವನ್ನು ಶ್ಲಾಘಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಭಾಗವತ ಪಟ್ಲ ಸತೀಶ್ ಶೆಟ್ಟಿ, ರಾಜರಾಮ ಭಟ್ ಅವರು ತಮ್ಮ ಗೌಸೇವೆಯಿಂದ ಸಮಾಜಕ್ಕೆ ಪ್ರೇರಣೆಯಾಗಿದ್ದಾರೆ ಎಂದರು
ಬಿಜೆಪಿ ಜಿಲ್ಲಾಧ್ಯಕ್ಷ ಸುದರ್ಶನ ಮೂಡುಬಿದಿರೆ ಅಧ್ಯಕ್ಷತೆ ವಹಿಸಿದ್ದರು. ಮಠ ಡೆವಲಪರ್ಸ್ ಮಾಲಕ ಸಂತೋಷ್ ಶೆಟ್ಟಿ, ಹವ್ಯಕ ಮಹಾಮಂಡಲ ಪ್ರಧಾನ ಕಾರ್ಯದರ್ಶಿ ನಾಗರಾಜ್ ಭಟ್, ಹಿಂದೂ ಸಂಘಟನೆ ಮುಖಂಡ ಗಣೇಶ್ ಕೆದಿಲ, ಮಿಥುನ್ ಕಲ್ಲಡ್ಕ, ವಿಜಿತ್ ಶೆಟ್ಟಿ ಉಪಸ್ಥಿತರಿದ್ದರು.
ಅಮೃತಧಾರ ಗೋಶಾಲ ಸಂಚಾಲಕ ಟಿ.ಜಿ.ರಾಜಾರಾಂ ಭಟ್ ಸ್ವಾಗತಿಸಿದರು. ಶ್ರೀನಿವಾಸ ಭಟ್ ಸೇರಾಜೆ ನಿರೂಪಿಸಿದರು. ಶಾರದ ಗಣಪತಿ ವಿದ್ಯಾಕೇಂದ್ರ ಪ್ರಾಚಾರ್ಯ ಶ್ರೀಹರಿ ಉಪಸ್ಥಿತರಿದ್ದರು.
