ನವದೆಹಲಿ: ಚೀನಾ ಪೂರ್ವ ಲಡಾಖ್ನ ಹಾಟ್ ಸ್ಪ್ರಿಂಗ್ಸ್ನಲ್ಲಿ LAC ಗೆ ಸಮೀಪದಲ್ಲಿ ಮೂರು ಮೊಬೈಲ್ ಟವರ್ಗಳನ್ನು ನಿರ್ಮಿಸಿದೆ. ಇದನ್ನು ಚಿತ್ರ ಸಮೇತವಾಗಿ ಲಡಾಖ್ನ ಚುಶುಲ್ನ ಕೌನ್ಸಿಲರ್ ಕೊಂಚೋಕ್ ಸ್ಟಾಂಜಿನ್ ಬಹಿರಂಗಪಡಿಸಿದ್ದಾರೆ.
ಪ್ಯಾಂಗಾಂಗ್ ಸರೋವರದ ಮೇಲಿನ ಸೇತುವೆಯನ್ನು ಪೂರ್ಣಗೊಳಿಸಿದ ನಂತರ, ಚೀನಾವು ಭಾರತದ ಭೂಪ್ರದೇಶಕ್ಕೆ ಸಮೀಪವಿರುವ ಚೀನಾದ ಬಿಸಿನೀರಿನ ಬುಗ್ಗೆ ಬಳಿ 3 ಮೊಬೈಲ್ ಟವರ್ಗಳನ್ನು ಸ್ಥಾಪಿಸಿದೆ.
ಈ ಕುರಿತು ಟ್ವೀಟ್ ಮಾಡಿರುವ ಸ್ಟಾಂಜಿನ್ , ಇದು ಆತಂಕಕಾರಿಯಲ್ಲವೇ?. ನಮ್ಮಲ್ಲಿ ಜನವಸತಿ ಗ್ರಾಮಗಳಲ್ಲೇ 4ಜಿ ಸೌಲಭ್ಯವಿಲ್ಲ. ನನ್ನ ಕ್ಷೇತ್ರದ ವ್ಯಾಪ್ತಿಯ 11 ಹಳ್ಳಿಗಳಲ್ಲೂ 4ಜಿ ಸೌಲಭ್ಯವಿಲ್ಲ’ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.
ಕಳೆದ ವರ್ಷ ಲಡಾಖ್ ಎಲ್ ಎಸಿಯಲ್ಲಿ ಉದ್ವಿಗ್ನತೆ ಉಂಟಾಗಿತ್ತು. ಆ ಬಳಿಕ ಚೀನಾ ಸಣ್ಣ ಹಳ್ಳಿ ನಿರ್ಮಿಸಿದೆ ಎಂದು ವರದಿಯಾಗಿತ್ತು. ಇದೀಗ ಮೊಬೈಲ್ ಟವರನ್ನು ಚೀನಾ ನಿರ್ಮಿಸಿದೆ.
ಇದೀಗ ಚೀನಾ ಭಾರತ ಮತ್ತು ಚೀನಾ ಸೇನೆಗಳು ನಿರಂತರವಾಗಿ ನಿಯೋಜನೆಗೊಂಡಿದ್ದು, ಉದ್ವಿಗ್ನ ಪರಿಸ್ಥಿತಿ ಇದೆ.