ಹೆಲ್ಮೆಟ್ ಧರಿಸದ ಕಾರು ಚಾಲಕನಿಗೆ 500 ರೂಪಾಯಿ ದಂಡ

ಕೇರಳ ಹೆಲ್ಮೆಟ್ ಧರಿಸಿಲ್ಲ ಎಂದು ಕಾರು ಚಾಲಕರೊಬ್ಬರಿಗೆ 500 ರೂಪಾಯಿ ದಂಡ ಹಾಕಿರುವ ವಿಚಿತ್ರ ಘಟನೆ ಕೇರಳದಲ್ಲಿ ನಡೆದಿದೆ. ಮಾರುತಿ ಆಲ್ಟೋ ಚಾಲಕರೊಬ್ಬರಿಗೆ ಕೇರಳ ಸಂಚಾರ ಪೊಲೀಸರಿಂದ 500 ರೂಪಾಯಿ ಚಲನ್ ಪಡೆದಿದ್ದಾರೆ.

ಡಿಸೆಂಬರ್ 7, 2021 ರ ದಿನಾಂಕದ ಚಲನ್ ಇದಾಗಿದ್ದು, ಇಬ್ಬರು ವ್ಯಕ್ತಿಗಳು ಹೆಲ್ಮೆಟ್ ಧರಿಸದೆ ಬೈಕ್ ಚಲಾಯಿಸಿದ್ದಾರೆ . ಆದರೆ, ಚಲನ್ ನಲ್ಲಿ ವಾಹನದ ಹೆಸರನ್ನು ಕಾರು ಅಂತಾ ನಮೂದಿಸಲಾಗಿದೆ. ನೋಂದಣಿ ಸಂಖ್ಯೆ ಅಜಿತ್ ಅವರ ಕಾರು ಎಂದು ಸೂಚಿಸುತ್ತದೆ.

ಮೋಟಾರು ಬೈಕಿನ ನೋಂದಣಿಯು ಚಲನ್‌ಗೆ ಲಗತ್ತಿಸಲಾದ ಚಿತ್ರವು ಕಾರಿನಂತೆಯೇ ಇರುವುದರಿಂದ ಈ ಯಡವಟ್ಟಾಗಿದೆ ಎಂದು ಹೇಳಲಾಗಿದೆ. ಈ ಬಗ್ಗೆ ಮೋಟಾರು ವಾಹನ ಇಲಾಖೆಗೆ ಕಾರು ಚಾಲಕ ಹಾಗೇನೇ ಮಾಲೀಕರಾಗಿರುವ ಅಜಿತ್ ದೂರು ನೀಡಲು ನಿರ್ಧರಿಸಿದ್ದಾರೆ.

ಇನ್ನು ಈ ಸಂಬಂಧ ಪೊಲೀಸರನ್ನು ಸಂಪರ್ಕಿಸಿದಾಗ, ನೋಂದಣಿ ಸಂಖ್ಯೆಯನ್ನು ಸಿಸ್ಟಮ್‌ಗೆ ನಮೂದಿಸುವಾಗ ಇದು ಕ್ಲೆರಿಕಲ್ ಅಥವಾ ಟೈಪೋಗ್ರಾಫಿಕಲ್ ದೋಷದ ಪರಿಣಾಮದಿಂದ ಈ ರೀತಿ ಉಂಟಾಗಿರಬಹುದು ಎಂದು ಹೇಳಿದ್ದಾರೆ.