ಮಂಗಳೂರು: ಕೋಮುವಾದಿ ಪೋಸ್ಟ್ ಮಾಡಿದ ಅಪ್ರಾಪ್ತ ಬಾಲಕ ಹಾಗೂ ಇನ್ನೂ ಇಬ್ಬರ ಬಂಧನ !

- Advertisement -

ಮಂಗಳೂರು: ಸಾಮಾಜಿಕ ಮಾಧ್ಯಮದಲ್ಲಿ ಆಕ್ಷೇಪಾರ್ಹ ಪೋಸ್ಟ್‌ ಹಾಕಿದ್ದಕ್ಕಾಗಿ ಕೊಣಾಜೆಯ ಅಪ್ರಾಪ್ತ ಬಾಲಕನನ್ನು ಮತ್ತು ಇನ್ನಿಬ್ಬರು ತಮ್ಮ ಪುಟದಲ್ಲಿ ಹಿಂದೂ ಕಾರ್ಯಕರ್ತ ಹರ್ಷನ ಹತ್ಯೆಯನ್ನು ಸಮರ್ಥಿಸಿಕೊಂಡಿದ್ದಕ್ಕಾಗಿ ನಗರ ಪೊಲೀಸರು ಬಂಧಿಸಿದ್ದಾರೆ. ಹಾಗೇ ಇನ್ನೂ ಇಬ್ಬರ ಆ ಪೋಸ್ಟ್ ನ್ನು ಲೈಕ್ ಮಾಡಿದ್ದಕ್ಕಾಗಿ ಬಂಧಿಸಲಾಗಿದೆ.

ಈ ವಿಷಯವನ್ನು ಬಹಿರಂಗಪಡಿಸಿದ ಪೊಲೀಸ್ ಕಮಿಷನರ್ ಎನ್ ಶಶಿಕುಮಾರ್, ಕೊಣಾಜೆ ಮೂಲದ ಎಸ್‌ಎಸ್‌ಎಲ್‌ಸಿ ಅನುತ್ತೀರ್ಣರಾದ ಅಪ್ರಾಪ್ತರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ‘ಟ್ರೋಲ್ ಕಿಂಗ್ 93’ ಹೆಸರಿನಲ್ಲಿ ದೇವಸ್ಥಾನಗಳ ಕುರಿತು ಮತ್ತು ಇನ್ನೂ ಅನೇಕ ಪೋಸ್ಟ್‌ಗಳಿಗಾಗಿ ಬಂಧಿಸಿದ್ದೇವೆ. ಖಾತೆಯಲ್ಲಿ ಅವಹೇಳನಕಾರಿ ವಿಡಿಯೋ ಮತ್ತು ಛಾಯಾಚಿತ್ರಗಳನ್ನು ಕಾಣಬಹುದು. ಅವರು ಬೆಂಗಳೂರಿನಲ್ಲಿ ತರಕಾರಿ ಮಾರಾಟಗಾರರಾಗಿ ಕೆಲಸ ಮಾಡುತ್ತಿದ್ದಾರೆ ಎಂದರು.

ಸೈಬರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಬಾಲಕನನ್ನು ಬಾಲ ನ್ಯಾಯ ಮಂಡಳಿಯ ಮುಂದೆ ಹಾಜರುಪಡಿಸಲಾಗುವುದು ಎಂದು ಆಯುಕ್ತರು ತಿಳಿಸಿದ್ದಾರೆ.