ವಾಟ್ಸಾಪ್ ಡಿಪಿ ನೋಡಿ 1.4 ಲಕ್ಷ ರೂ. ವರ್ಗಾಯಿಸಿದ ಭೂಪ, ಆಮೇಲೇನಾಯ್ತು ಗೊತ್ತಾ?

ಬೆಂಗಳೂರು : ವಾಟ್ಸಾಪ್ ಡಿಪಿಗೆ ಗೆಳೆಯನ ಫೋಟೋ ಹಾಕಿ ಸೈಬರ್ ಕಳ್ಳರು ಸಾಫ್ಟ್​ವೇರ್ ಉದ್ಯೋಗಿಗೆ 1.4 ಲಕ್ಷ ರೂ. ವಂಚಿಸಿದ್ದಾರೆ. ಹೆಸರಘಟ್ಟ ರಸ್ತೆಯ ಮಲ್ಲಸಂದ್ರದ ಟೆಕ್ಕಿ ವಂಚನೆಗೆ ಒಳಗಾದವರು. ತಮ್ಮ ಸ್ನೇಹಿತನ ಹೆಸರಿನಲ್ಲಿ ವಾಟ್ಸಾಪ್ ​ನಲ್ಲಿ ಸಂದೇಶ ಕಳುಹಿಸಿ ಹಣ ಪಡೆದು ಮೋಸ ಮಾಡಿರುವುದಾಗಿ ದೂರು ನೀಡಿರುವುದಾಗಿ ಉತ್ತರ ವಿಭಾಗ ಸಿಇಎನ್ ಠಾಣೆ ಪೊಲೀಸರು ತಿಳಿಸಿದ್ದಾರೆ.

ಹೈದರಾಬಾದ್ ಮೂಲದ ಸಾಫ್ಟ್​ವೇರ್ ಇಂಜಿನಿಯರ್, ಕುಟುಂಬದ ಜತೆ ಮಲ್ಲಸಂದ್ರದಲ್ಲಿ ವಾಸಿಸುತ್ತಿದ್ದಾರೆ. ಜು. 30ರಂದು ಅವರ ಸ್ನೇಹಿತನ ಹೆಸರಿನಲ್ಲಿ ವಾಟ್ಸಾಪ್ ​ನಲ್ಲಿ ಸಂದೇಶ ಬಂದಿದೆ. ‘ಅನಾರೋಗ್ಯ ಸಂಬಂಧ ತುರ್ತಾಗಿ 3 ಲಕ್ಷ ರೂ. ಬೇಕಿದೆ ಎಂದು ಸಂದೇಶವಿತ್ತು. ವಾಟ್ಸಾಪ್ ​ನಲ್ಲಿ ಡಿಪಿ ಕಾರಣಕ್ಕೆ ಗೆಳೆಯನದ್ದೇ ಎಂದು ನಂಬಿ 1.4 ಲಕ್ಷ ರೂ. ಗಳನ್ನು ಆತ ನೀಡಿದ ಬ್ಯಾಂಕ್ ಖಾತೆಗೆ ಹಣ ವರ್ಗಾಯಿಸಿದ್ದಾರೆ. ಮರುದಿನ ಗೆಳೆಯನ ಯೋಗಕ್ಷೇಮ ವಿಚಾರಣೆಗೆ ಕರೆ ಮಾಡಿದಾಗಲೇ ವಂಚನೆ ನಡೆದಿರುವುದು ಗೊತ್ತಾಗಿದೆ.