ಬೆಲ್‌ಗ್ರೇಡ್: ವರ್ಲ್ಡ್ ನಂಬರ್ 1 ಟೆನಿಸ್ ಆಟಗಾರ ಸೆರ್ಬಿಯಾದ ನೊವಾಕ್ ಜೋಕೊವಿಕ್ಗೆ ಕೊರೊನಾ ಪಾಸಿಟಿವಿ ದೃಢವಾಗಿದೆ. ಕಳೆದ ಕೆಲ ದಿನಗಳ ಹಿಂದೆಯಷ್ಟೆ ಕ್ರೊಯೇಷಿಯಾದ ಬೊರ್ನಾ ಕೋರಿಕ್, ಬಲ್ಗೇರಿಯಾದ ಗ್ರಿಗರ್ ಡಿಮಿಟ್ರೋವ್ ಮತ್ತು ವಿಕ್ಟರ್ ಟ್ರಾಯ್ಕಿಗೆ ಕೊರೊನಾ ಸೋಂಕು ತಗುಲಿತ್ತು.
ವಿಶ್ವ ಟೆನಿಸ್ ಸಂಸ್ಥೆ ಕೋವಿಡ್-19 ಭೀತಿಯಿಂದ ಪಂದ್ಯಾವಳಿಯನ್ನು ರದ್ದು ಗೊಳಿಸಿತ್ತು. ಕ್ರೀಡೆಯನ್ನು ಉತ್ತೇಜಿಸಲು ಮತ್ತು ಅಗತ್ಯವಿರುವವರಿಗೆ ಹಣವನ್ನು ಸಂಗ್ರಹಿಸಲು ಜೊಕೊವಿಕ್ ಆಡ್ರಿಯಾ ಟೂರ್ ಟೆನಿಸ್ ಪಂದ್ಯಾವಳಿಯನ್ನು ಆಯೋಜಿಸಿದರು.
ಆಡ್ರಿಯಾ ಟೂರ್ ಎಕ್ಸಿಬಿಷನ್ ಟೂರ್ನಿ ಮುಗಿಸಿ ಜೋಕೊವಿಕ್ ತವರಿಗೆ ವಾಪಸಾಗಿದ್ರು. ಸ್ವದೇಶಕ್ಕೆ ಮರಳಿದ ತಕ್ಷಣ ಜೋಕೊವಿಕ್ರನ್ನ ಕೊರೊನಾ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಜೋಕೊವಿಕ್ಗೆ ಯಾವುದೇ ರೋಗಲಕ್ಷಣಗಳು ಕಾಣಿಸಿಕೊಂಡಿಲಿಲ್ಲ. ಆದ್ರೂ ಪಾಸಿಟಿವ್ ವರದಿ ಬಂದಿದೆ.
ಜೊಕೊವಿಕ್ ಪತ್ನಿ ಜೆಲೆನಾಗೂ ಕೊರೋನಾ ಪಾಸಿಟಿವ್ ಬಂದಿದ್ದೂ ಮಕ್ಕಳ ವರದಿ ನೆಗೆಟಿವ್ ಬಂದಿದೆ ಎಂದು ಹೇಳಿದ್ದಾರೆ.
ಸದ್ಯ ಜೋಕೊವಿಕ್ 14 ದಿನಗಳ ಕಾಲ ಸೆಲ್ಫ್-ಐಸೋಲೇಷನ್ನಲ್ಲಿ ಇರಲಿದ್ದಾರೆ. 5 ದಿನಗಳಿಗೊಮ್ಮೆ ಪರೀಕ್ಷೆಗೆ ಒಳಗಾಗಲಿದ್ದಾರೆ ಅಂತ ಮಾಹಿತಿ ಲಭ್ಯವಾಗಿದೆ.
