ಬಾಲಿ: ಆನೆ ಮೇಲೆ ಬೆತ್ತಲೆ ಮಲಗಿ ಫೋಟೋಶೂಟ್ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡು ಹುಚ್ಚಾಟ ಮೆರೆದ ರಷ್ಯಾದ ಸಾಮಾಜಿಕ ಜಾಲತಾಣ ಸೆಲೆಬ್ರಿಟಿ ಮಾಡೆಲ್ ಅಲೆಸ್ಯಾ ಕಫೆಲ್ನಿಕೋವಾ (22) ಇದೀಗ ಪ್ರಾಣಿಪ್ರೀಯರ ಟೀಕೆಗೆ ಗುರಿಯಾಗಿದ್ದಾಳೆ.
ಅಲೆಸ್ಯಾ, ವಿಶ್ವದ ನಂ. 1 ಮಾಜಿ ಟೆನ್ನಿಸ್ ಆಟಗಾರ ಯೆವ್ಗೆನಿ ಕಫೆಲ್ನಿಕೋವಾರ ಮಗಳು. ಇಂಡೋನೇಷ್ಯಾದಲ್ಲಿ ಅಳಿವಂಚಿನಲ್ಲಿರುವ ಸುಮ್ರಾತ್‍ನ್ ಆನೆ ಮೇಲೆ ವಿಭಿನ್ನ ಅವತಾರಗಳಲ್ಲಿ ಫೋಟೋ ಮಾತ್ರವಲ್ಲದೆ, ಬೆತ್ತಲೆ ಮಲಗಿರುವ ಸಣ್ಣ ವಿಡಿಯೋ ತುಣುಕನ್ನು ಸಹ ಅಲೆಸ್ಯಾ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಕೆಲದಿನಗಳ ಹಿಂದೆ ಶೇರ್ ಮಾಡಿಕೊಂಡಿದ್ದಾರೆ. ಅದಕ್ಕೆ ನ್ಯಾಚುರಲ್ ವೈಬ್ಸ್ ಎಂದು ಅಡಿಬರಹ ನೀಡಿದ್ದಾರೆ. ಸಾಕಷ್ಟು ಟೀಕೆಗಳು ವ್ಯಕ್ತವಾದ ಬಳಿಕ ಅಲೆಸ್ಯಾ ಇನ್ಸ್ಟಾಗ್ರಾಂನಿಂದ ಆ ವಿಡಿಯೋ ಡಿಲೀಟ್ ಮಾಡಿದ್ದಾರೆ.
ಅಲೆಸ್ಯ ಅವರ ಬೆತ್ತಲೆ ಫೋಟೋಶೂಟ್ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಅನೇಕರು ವಿಡಿಯೋ ಕಂಡು ಭಾರೀ ವಿರೋಧ ವ್ಯಕ್ತಿ ಪಡಿಸಿದ್ದಾರೆ. ಅಲ್ಲದೆ, ಮಾಡೆಲ್ ಹುಚ್ಚಾಟವನ್ನು ಕಂಡು ಸಿಟ್ಟಾಗಿದ್ದಾರೆ. ಇನ್ನು ಪ್ರಾಣಿದಯಾ ಸಂಘ ಮತ್ತು ಪರಿಸರ ಪ್ರೇಮಿಗಳು ಕೂಡ ಮಾಡೆಲ್ ವರ್ತನೆಗೆ ಖಂಡನೆ ವ್ಯಕ್ತ ಪಡಿಸಿದ್ದಾರೆ. ಈ ವಿಚಾರ ಆಕೆಗೆ ತಿಳಿದಂತೆ ಇನ್ಸ್ಟಾಗ್ರಾಂನಿಂದ ವಿಡಿಯೋ ಡಿಲೀಟ್ ಮಾಡಿದ್ದಾರೆ.
