ಭೀಕರ ರಸ್ತೆ ಅಪಘಾತ, ಹೆರಿಗೆಗೆ ತೆರಳುತ್ತಿದ್ದ ಗರ್ಭಿಣಿ ಸೇರಿ 7 ಮಂದಿ ಸ್ಥಳದಲ್ಲೇ ಸಾವು

- Advertisement -

ಕಲಬುರಗಿ: ಕಲಬುರಗಿ ಜಿಲ್ಲೆಯಲ್ಲಿ ಬೆಳ್ಳಂಬೆಳಗ್ಗೆ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ನಿಂತಿದ್ದ ಲಾರಿಗೆ ವೇಗವಾಗಿ ಬಂದ ಕಾರು ಡಿಕ್ಕಿ ಹೊಡೆದ ಪರಿಣಾಮ ತುಂಬು ಗರ್ಭಿಣಿ ಸೇರಿ 7 ಜನರು ಮೃತಪಟ್ಟಿದ್ದಾರೆ.

ಆಳಂದ ರಸ್ತೆಯ ಸಾವಳಗಿ ಬಳಿ ಈ ಭೀಕರ ಅಪಘಾತ ಸಂಭವಿಸಿದ್ದು, 7 ಜನರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಗರ್ಭಿಣಿಯನ್ನು ಹೆರಿಗೆಗಾಗಿ ಆಸ್ಪತ್ರೆಗೆ ಕರೆತರುತ್ತಿದ್ದಾಗ ಈ ದುರಂತ ಸಂಭವಿಸಿದೆ.

ಮೃತರನ್ನು 25 ವರ್ಷದ ಗರ್ಭಿಣಿ ಇರ್ಫಾನಾ ಬೇಗಂ, 50 ವರ್ಷದ ರುಚಿನಾ ಬೇಗಂ, 50 ವರ್ಷದ ಅಬೇದಾಬಿ ಬೇಗಂ, 28 ವರ್ಷದ ಮುನೀರ್, 38 ವರ್ಷದ ಮಹಮ್ಮದ್, 29 ವರ್ಷದ ಶೌಕತ್ ಅಲಿ ಹಾಗೂ 60 ವರ್ಷದ ಜಯಚುನಬಿ ಎಂದು ಗುರುತಿಸಲಾಗಿದೆ.